Búgin Almatyda Jadyra  Sahıeva men Merýert Túsippaevanyń  arasyndaǵy daý boıynsha sot otyrysy ótti. Sotqa biri kelse ekinshisi kelmeı júrgen sánger men ánshi osy joly  jolyqty,-dep habarlaıdy Stan.kz

Sot isti qaramas buryn shaǵymdanýshy Jado men Merýert Túsipbaevany mámilege kelýge shaqyrdy. Jasy kishi bolǵandyqtan Jadyra Sahıeva ánshi ápkesinen birinshi bolyp keshirim surady.

“Men bul jerde eshqandaı da aqsha óndirip, atymdy shyǵarýdy kózdep otyrǵan joqpyn. Kásibim men jeke basyma qaratyla aıtylǵan sózderge renjýlimin.”Shoshqa” , “Fý” dep aıtatyndaı ne kórindi.Áli de bolsa Túsipbaevadan jasym kishi bolǵandyqtan qurmettep, jurttyń, halyqtyń qalaýymen, suraýy boıynsha keshirim suraımyn. Biraq, el aldynda meni kemsite sóılegeni durys emes.”,- dedi sánger Jadyra Sahıeva.

Al, buǵan deıin Jadyranyń ústinen shaǵym túsirip júrgen ánshi Túsipbaeva sotta basqasha qubyldy. Ári óziniń aıtqan sózderi úshin jeli qoldanýshylary men jýrnalıserdi kinálady.

“Men úsh uıyqtasam túsime kirmepti Jadyra Sahıevamen sottasamyn degen oı. Aramyz óte jaqsy bolatyn. Bizdi biri-birimizge jeli qoldanýshylary men jýrnalıser aıdaqtap, urystyrdy. Jadyra mennen keshirim surasa men de odan keshirim suraımyn”,-dedi Túsipbaeva.

Osylaısha  sánger men ánshi tatýlasty. Endi sot óz kezeginde taraptardyń  mámilege kelýine  baılanysty ashylǵan isti jabady.