Atyraý oblysynyń ákimi Nurlan Noǵaev jekpe-jekten Qazaqstan chempıony atanǵan Isataı Temirov pen saıysqa qatysýshylardy burynǵynyń batyrlaryna teńedi dep habarlaıdy qamshy.kz. El birinshiligi Atyraý qalasynda keshe 26 aqpanda aıaqtaldy.

Eki kún ótken jarysqa Qazaqstannyń túkpir-túkpirinen 200-ge jýyq sportshy keldi. Olardyń otyzy Atyraý oblysynyń batyrlary. Erler on salmaq boıynsha, áıelder bes salmaq boıynsha baq synasty. Atyraý oblysynan áıelder qatysqan joq.

Jalpykomandalyq esepte birinshi oryndy Almaty oblysy aldy. Ekinshi oryn Aqtóbe, úshinshi oryn Atyraýǵa buıyrdy. 85 keli salmaqta Atyraý oblysynyń namysyn qorǵaǵan Isataı Temirov chempıon atandy.

“Burynǵynyń batyrlary dál sizderdeı bolǵan shyǵar. Rýhy bıik, namysy berik azamattarymyz kóp bolsyn”, - dedi Noǵaev.Dúnıejúzilik jekpe-jek qaýymdastyǵynyń prezıdenti Sabyrjan Ǵalymulynyń aıtýynsha, bul doda EKSPO-2017 kezinde Astanada ótetin álem chempıonatynyń irikteý kezeńi.

Aıta ketelik, Atyraýdaǵy saıysta birinshi jáne ekinshi oryn alǵan sportshylarǵa “Sport sheberi” degen ataq beriledi.