Dúnıejúzi boıynsha BAQ jazasyn óteýshilerdiń quqyǵyn qorǵaý, tárbıe jumystaryn júrgizý jáne ólim jazasyny tyıym salý týraly jıi aıtady dep habarlaıdy qamshy.kz. Eýropa túrmelerinde jazasyn óteýshilerge barlyq jaǵdaı jasalsa, damyǵan degen AQSH-ta jaǵdaı múlde basqa. Túrmelerde adamdar azaptaýǵa jıi ushyraıdy.

Álemdegi eń qorqynyshty túrme Brazılıada. 2010 jyly munda jazasyn óteýshilerdiń jappaı ólimi tirkeldi. Búlik kezinde 102 adam kóz jumdy. Túrmede dáriger kómegin alý múmkin emes dep aıtýǵa bolady. Ondaǵy jazasyn óteýshilerdiń ár besinshisi VICH-pen aýyrady. Túrmede 7,5 myńǵa jýyq jazasyn óteýshi bar. Olardy myńdaǵan túrme qyzmetkeri baqylaıdy.

Kolorada shtatyndaǵy ADX Florence qatań rejımdegi memlekettik túrmesi de álemdegi eń nashar túrmelerdiń biri bolyp sanalady. Jazasyn óteýshiler aptanyń tek 9 saǵatyn taza aýada ótkizedi. Táýligine 22 saǵat olar kúnniń kózin kórmeıdi. Olar tipti bir-birimen de sóılese almaıdy.

Úshinshi oryndy Parıj qalasyndaǵy La Sante túrmesi alady. Ondaǵy jazasyn óteýshilerdiń qınalatyny sonshalyq egeýquıryqtarǵa arnalǵan ýdy iship nemese basyn qabyrǵaǵa soǵyp ólýge daıyn. 1999 jyly ǵana 124 adam ózine qol jumsaǵan. Túrmeniń bas dárigeri Veronıka Vasser túrmedegi kameralar toly ekenin jáne adamdar aptasyna tek 2 ret qana dýsh qabyldaıtynyn jáne túrmede kemirgishterdiń óte kóp ekenin aıtady.

1867 jyly salynǵan túrmeniń kúzetshileri jazasyn óteýshilerge óte qatigez qaraıdy. Olarǵa sý bermeı, karserge qamap, aıýandyqpen urady eken.

Álemdegi eń qorqynyshty túrmelerdiń tizimine Sırıadaǵy Tadmore túrmesi de kiredi. Tadmorda áli kúnge deıin ortaǵasyrlyq azaptaý ádisin qoldanady.

Kenıalyq Naırobı túrmesinde de jazasyn óteýshilerdi adam qurly kórmeıdi. 800 adamǵa arnalǵan kamerada 3800 adamdy ornalastyrǵan. Onda dárigerlik kómekte kórsetilmeıdi, tipti matrasta joq. Kameralardy aýa temperatýrasy óte joǵary. Adamdar tipti mundaı jaǵdaıdan kóz jumyp jatady.