Semeı qalasyndaǵy ıadorlyq polıgon saldarynan eki qolsyz dúnıege kelgen Qaraǵandylyq sýretshi Káripbek Kúıikov óziniń Nobel syılyǵyna usynylýyn «Neveda-Semeı» qozǵalysynda zardap shekken barlyq azamattardyń eńbegi dep baǵalady. Aqparat kazınform jańalyqtar qyzmetinde jarıalanǵan.

«Bul meniń eńbegim emes. Birinshi kezekte «Neveda-Semeı» antıadorlyq qozǵalysy, «ATOM» jobasy jáne osy baǵyttyń bastaýynda turǵan azamattardyń qajyrly eńbekteriniń arqasy. Sol azamattardyń kóbi qaza tapty», - dep baǵalady sýretshi.

Káripbek Kúıikov «ATOM» jobasynyń qurmetti elshisi.

Eske sala keteıik, shotlandyq saıasatker Bıll Kıdd Nobel syılyǵyna Qazaqstan prezıdenti Nursultan Nazarbaev pen qaraǵandylyq áıgili sýretshi Káripbek Kúıikovty usynǵan bolatyn. Qazaqstan prezıdenti uzaq jyldar boıy ıadrolyq qarýsyzdandyrý salasynda kóshbasshylyq tanytyp keldi. Sýretshi Káripbek Kúıikov, ótinishte kórsetilgendeı, keńestik ıadrolyq synaqtan keıingi Qazaqstandaǵy óziniń alǵashqy jobasyn alǵa súıredi.

«ATOM» - Kúıikov júrgizip otyrǵan joba. Joba ıadorlyq qarýdyń álemge tıgizgen zardaby jóninde habarlaıdy. Káripbek Kúıikov sol ıadrolyq synaqtyń kesirinen eki qolsyz dúnıege keldi», - dep jazylǵan ótinishte.