Almaty oblysy ákiminiń orynbasary Jaqsylyq Omar taldyqorǵandyq belsendilerdiń jobasy «Asar» avto-erkitiler qozǵalysyna ún qosty dep habarlaıdy Qamshy.kz.

 Avto-erkitiler qozǵalysy Eldos Baıalyshbaevtyń bastamasymen aqpan aıynyń basynda qurylǵan. Jobanyń maqsaty múmkindigi shekteýli jandardyń júris-turysyn jeńildetip, qajetti jerine jetkizýdi kózdeıdi. Búginde jıyrmaǵa jýyq eriktilerdiń basyn qosqan bastamaǵa Jaqsylyq Omarda óz úlesin qosyp, alǵashqy jolaýshysyn suraǵan jerine jetkizip berdi.

Shynymdy aıtsam, meniń suranysyma oblys ákiminiń orynbasary keledi dep, on uıyqtasam da, túsime kirmeıtin. Dıspecherge qońyraý shalyp, ótinimdi qaldyrǵannan keıin araǵa jarty saǵat salyp, kólik esik aldyna kelgendigi jaıly habar keldi. Aıandap shyqqanymda oblys ákimi tabaldyryqtan tosyp aldy, - deıdi İ toptaǵy múgedek Mıras Múrsáli. – Jol boıy qaldaǵy áleýmettik nysandardyń múmkindigi shekteýli jandarǵa qol jetimdiligi jaıly sóz órbitip jol qysqarttyq, - degen jolaýshy joba avtorlaryna óz alǵysyn jetkizdi.

Óz kezeginde oblys ákiminiń orynbasary Jaqsylyq Omar osy arqyly shahar belsendileriniń bastamasyna ún qosýshylar qataryn kóbeıtýdi kózdeıtindigin aıtty.

«Múmkindigi shekteýli azamattarǵa kúndelikti kólik qyzmetin usyný úshin ýaqyt tapshy. Degenimen, aıyna bir ret arnaıy ýaqyt bólýdi kózdeımin. Igi iske qalamyzdyń ózge de azamattary ún qosyp, múgedekterge qol ushyn sozady dep senemin», - degen Jaqsylyq Omar jolaýshysyn qalaǵan jerine jetkizip saldy.

«Asar» avto-erkitiler qozǵalysy búginde jıyrmaǵa jýyq júrgizýshilerdiń basyn biriktirdi. Búgingi tańda taǵy onshaqty eriktilerdiń suranysy qarastyrylýda. Joba avtorlarynyń sózinshe, múmkindigi shekteýli jandarǵa qyzmet atqaratyn kólikke belgili talap qoıylady. Bastysy, temir tulpardyń syıymdylyǵy, júrgizýshiniń ótili jiti nazarǵa alynady.