Memleket basshysy Nursultan Nazarbaev ánshi Dımash Qudaıbergenge arnaıy stıpendıa taǵaıyndady, dep habarlaıdy inform.kz.

Bul týraly búgin Qazaq Ulttyq óner ýnıversıtetinde Dımashpen birge ótken kezdesý kezinde Mádenıet jáne sport mınıstri Arystanbek Muhamedıuly aıtty.

Mınıstr bul aqparatty búgin Qazaq Ulttyq óner ýnıversıtetinde Dımashpen birge ótken kezdesý kezinde aıtty.

«Búgin Ulttyq ýnıversıtette erekshe kún. Bárimiz birge Dımashty óner ordasynda qarsy alyp otyrmyz. Bul elimizge úlken maqtanysh. Dımash jastaıynan ózin ónerge arnap, Aqtóbedegi óner ýchılıshesinde, endi Astanadaǵy Óner akademıasynda dáris alyp júr», – degen mınıstr, jas darynnyń ata-anasy – Qanat pen Sveta Aıtbaevtarǵa, Dımashtyń ustazdaryna alǵysyn aıtty.

«Dımash aıaq astynan tanymal bolǵan joq, burynnan konkýrstarǵa qatysyp keledi. Dımashtyń burynnan beri halyqaralyq baıqaýlarǵa,  memlekettiń úlken konsertterine qatysyp júrgenin jaqsy bilesizder. Jaqynda ǵana Elbasy óziniń arnaıy stıpendıasymen Dımashty basqa da óner adamdarymen birge qurmettedi. Bizdiń Elbasymyzdyń Dımashqa degen qamqorlyǵyn osynnan bilýge bolady», – dedi mınıstr.