Aqmola oblysynyń Shýchınsk qalasyndaǵy Ekologıa jáne orman sharýashylyǵy kolejinde «Mángilik el jastary – ındýstrıaǵa» áleýmettik jobanyń «Serpin – 2050» memlekettik baǵdarlamasynyń qatysýshylaryna oqý baǵdarlamasyn jaqsy aıaqtaǵandary úshin saltanatty túrde dıplomdar berildi dep habarlaıdy Qamshy.kz

Saltanatty shara kezinde «Serpin – 2050» jobasynyń 19 stýdenti landshaftty dızaın mamanynyń dıplomdaryn aldy.

Baǵdarlama qatysýshysy Ońtústik – Qazaqstan oblysynyń Shymkent q. týmasy Baqytgúl Lesbektiń aıtyýnsha Memlekettik baǵdarlamaǵa qatysý tek qana bilimge emes, úlken tájirıbe jınap, jańa dostar taýyp, kóp áser alýǵa jol ashty.

«Serpin – 2050» jobasy 2014 jyly ashyldy. 2017 jyl bizdiń serpindilikterge jemisti jyldardyń biri, sebebi bıylǵy jyly Aqmola oblysy boıynsha biz  104 túlek shyǵardyq» - dep,  «Serpin – 2050» jobasynyń jetekshisi Kýlzıa Tobataeva aıtyp berdi.

Ekologıa jáne orman sharýashylyǵy kolejiniń dırektory Vladımır Sklárovtyń aıtýynsha baǵdarlamaǵa qatysqan barlyq túlekter jumyspen jáne baspanamen qamtylady.  

Budan basqa, kelesi oqý jylyna Qyzylorda oblysynan 25 serpindikti kolejge oqýǵa alý josparlanyp otyr, olar da bitirgen túlekter sıaqty landshaft dızaınynyń qyr-syryna úırenetin bolady.