Fılm túsirýge búdjetten aqsha alyp, ony bas paıdasyna jaratty dep aıyptalǵan ataqty akter búgingi otyrysqa jaqyndaryn túgel ertip ákelipti, dep habarlaıdy KTK jańalyqtary.

Al aıyptalýshy oryndyǵynda Jamanqulovtan bólek fılm rejıseri men taǵy onshaqty adam bar. 69 mıllıon teńgeni kimniń, qaıda jibergenin endi árqaısysy  sotqa jeke túsindirip jatyr. Tuńǵyshbaı Jamanqulovtyń ózi qazir kepilaqymen bostandyqta júr. Al atyshýly rejıser Talǵat Janybekov eki aıdan beri qamaýda otyrǵanyn aıta keteıik. Búgingi otyrysta advokat rejıserdi de kepilaqymen bosatýdy surady. Qorǵaýshynyń bul talap-aryzyna qatysty sheshim erteń shyǵady. Basynda aqshany jegenin moıyndamaı, keıin keshirim surap, qarjynyń da bir bóligin qaıtarǵan Tuńǵyshbaı Jamanqulovtyń ózi jýrnalıserdi kórgisi kelip otyrǵan joq.

Baqytgúl Qadyrbekova, T. Jamanqulovtyń advokaty:

- Kóp málimetti  durys jetkizbeı jatyr. Sondyqtan biz qarsy boldyq. Aýyzdan shyqqan málimet durys jetkizilýi kerek halyqqa.