Azıada-2011 qorytyndysy boıynsha Qazaqstan 32 altyndy alyp rekord ornatqan edi. Mundaı kórsetkishke Azıada tarıhynda birde-bir el qol jetkizbedi. 2-shi oryn alǵan Japonıa sportshylary ol kezde tek 13 márte tuǵyrǵa kóterildi. Japonıa, Ońtústik Koreıa jáne Qytaıdy qosqanda úsh el 37 medal alyp, bir Qazaqstannyń kórsetken kórsetkishine jetpedi dep jazady camonitor.kz. Synı maqala "Qamshy" portalynyń nazarynan tys qalmady. "Dos jylatyp aıtatynyn" eskere otyra materıaldy qazaq tiline aýdaryp, oqyrmanǵa usynýdy jón dep taptyq.
Alaıda 6 jyl ótkennen keıin tórtinshi orynǵa syrǵyp kettik. Azıada qysqy oıyndardan myqty tek 4 el baryn eskersek, biz eń sońǵy oryn alyp otyrmyz dep aıtýǵa bolady. Bizdiń sportshylardyń alǵan medali eki esege qysqardy. Ony myna kesteden bilýge bolady.
Azıada-2011 ótpes buryn qazaqstandyq sport basshylary aldyńǵy shepte kóriný úshin baryn saldy. Birneshe ýaqyt ótkennen keıin jasaǵan «rekordy» ózderine bále bolyp jabysatynyn bilmedi de. Sebebi ótken nátıjemen olardyń keleshektegi nátıjesin salystarynyn eskermedi. Endi mine sol sát keldi. Qysqy oıyndar bastalmas buryn jarıalanǵan «Azıada ı azıachına» maqalasynda Azıada-2011 baǵdarlamasy týraly, Qazaqstanda rekorttyq kólemde altyn medaldardy alyp beretini týrasynda jazdy. Onyń boljamy dál keldi.
Sol kezde kóbi maqala avtoryn basqa elderde óz sportshylaryna óz elinde qoldaý bildiretinin aıtyp, otanǵa degen súıispenshiliki joq dep synaǵan edi.
Azıada-2017 baǵdarlamasyn qarańyz, onda olımpıadalyq oıyndarǵa barynsha jaqyn. Ony ótkizip otyrǵan el odan eshqandaı paıda tabýdy kózdemegenin ańǵarýǵa bolady. Oǵan myna aqparat dálel.
Japondyqtar shańǵy qossaıysynan álemde kósh bastap tur. Alaıda Sary qurylyqta olarǵa básekeles bola alatyn el bolmaǵandyqtan bul sport túrin Azıadadan alyp tastady. Dál osy sebeppen Sapporda áıelderdiń tramplınnan sekirý túri bolmady. Iaǵnı qazaqstandyq uıymdastyrýshylarǵa qaraǵanda olar Azıa oıyndaryn ádil ótkizdi. Barlyǵy birdeı jaǵdaıda básekege túskende ǵana myqtyny anyqtaýǵa bolady.
Qazaqstannyń qorjynyna túsken medaldardyń kóbin bıatlonıster jeńip alǵan. Olar jeti jarystyń, alytysynda jeńiske jetti.
Mánerlep syrǵanaýdy da alaıyq. Sapporaǵa bizdiń eki kóshbasshy sportshylarymyz Denıs Ten men Elızabet Tursynbaeva bardy.
Denıs Ten Sapporada sátsiz óner kórsetkennen keıin sportshy kóp jaǵymsyz pikir estidi. Tek bizde ǵana sportshylar jeńiske jetkende zor maqtanyshqa ıe bolady da, jeńilip qalsa synnyń astyna qalady. Mánerlep syrǵanaýda kóbi psıhologıaǵa baılanysty. Tipti eń myqty degen sportshylardyń ózi sátsizdikke ushyraýy múmkin.
Sonymen qatar, Elızabet Tursynbaevanyń da qola medalin de asyra maqtaýdyń qajeti joq. Ol álemdik reıtıńte ózinen tómen turǵan eki sportshyny jiberip alǵanyn eskerý kerek.
Jaqynda naýryz aıynda eki sport túrinen álem chempıony ótedi. Olar – short-trek pen frıstaıl. Atalǵan sport túrinen medal alatyn bolarmyz. Ázirshe shańǵy jarysyn baqylaýǵa bolady.
Avtor: Jeńis Baıhoja
Aýdarǵan: Ásem Álmuhanbet
