QR-nyń Eńbek jáne halyqty áleýmettik qorǵaý mınıstrligi zeınetaqy men járdemaqyny kóterý maqsatynda zańdar men túzetýler engizdi.

Jasy úlken kisiler men jas analarǵa naqty  qansha kólemde  járdemaqy beriletindigi eseptelindi. Bul týraly qamshy.kz habarlaıdy, caravan.kz-ke silteme jasaı otyra.

Bul buıryqqa elbasy qol qoıyp, aldaǵy shildeniń 1-nen bastap qazaqstandyqtar zeınetaqysy 20 paıyzǵa ósetini belgili bolyp otyr. Mınımaldy ótemaqy sommasy 8 myń teńgeni quramaq.

Jalpy alǵanda, ortasha zeınetaqy mólsheri buryńǵydaı  55 myń emes 66 myń teńgeni quraıdy. Bala týý boıynsha járdemaqy quny 27 paıyzǵa kóbeımek.  Eger buryndary áıel adamdar birinshi, ekinshi, úshinshi balsy úshin 66 myń-nan asa járdemaqy alǵan bolsa, jyldyń ortasyna qaraı bul somma 86 myń-ǵa deıin barady dep kútilýde. Tórtinshi balaǵa jáne odan keıingi balalarǵa 142 myń 947 teńge  járdemaqy tólenetin bolady.

Búdjetten osy tólemderge arnaıy  82 mıllıard-qa jýyq qarajat bólinýi  qarastyrylyp otyr.  Zeınetaqy men járdemaqyny joǵarylatý eki kezeńde: qańtar aıyndaǵy 9 paıyzdyq kóterilim men shilde aıynan bastalatyn negizgi kóterilim bolyp júzege asyrylady.