Venesýelalyq Adrıan Solano Fınlándıada ótip jatqan shańǵy sportynan álem chempıonatyna qatysty. Ol márege qarsylastarynan 40 mınýt keıin kelgen. Sebebi buǵan deıin qarda shańǵymen júrip kórmegen. Ómirinde qardy alǵash kórgen sportshynyń qýanyshyn baıqaýǵa bolady. Buǵan deıin  Adrıan Solano Karakas kóshelerinde dóńgelekti shańǵymen jattyqqan eken.  Chempıonatqa óz qarjysymen ushyp kelgen venesýelalyq jolda talaı qyzyqty bastan ótkergen eken. Ony jolaı bosqynǵa balap, keıin qaıtaryp jiberýge shaq qalǵan. Al Fınlándıaǵa jetkende shańǵyshynyń tamaq alyp ishetin aqshasy da bolmapty. «Biraq qardy kóremin degen armanyna jetti» deıdi telearna tilshileri.
Sport komentatorlarynyń aıtýynsha Solano 6 shaqyrym júrip ótken.Bul onyń basty jeńisi bolyp sanalady.