Qazaqty álemge moıyndatqan 22-jasar Dımash Qudaıbergenniń tanymaldylyǵy búgingi kúni jer jardy. Qytaıdyń I am a singer baıqaýyna qatysyp, Djekı Chan, Larıa Fabıan syndy álemge tanymal tulǵalardyń nazaryna ilikken Dımash tek qazaq jurtynyń emes, álem ánshisine aınaldy. Bundaı jaǵdaılardan soń, halyqtyń Dımashqa degen qyzyǵýshylyǵy kún sanap artyp keledi. Tipti, Dımashtyń toılardaǵy suranysyna da áser etken kórinedi. Toı ortalyǵynyń basshysy, ári prodúseri Jan Muqanov Dımash Qudaıbergenniń ár toıdan qansha alatynyn jasyrmaı aıtyp berdi, dep habarlaıdy «Qamshy»  portaly.

Bul týraly 31 arnanyń «Aıta bersin» baǵdarlamasynda aıtyldy.

«Osydan 1 aı buryn toılardaǵy gonorary 2 myń dollar bolǵan Dımash Qudaıbergenniń búgingi gonorary 15 myń dollarǵa deıin ósti», - deıdi ol.

Qazirgi ýaqyttyń ózinde toıshyl qaýym Dımashty toılaryna shaqyrýdy bastap ketipti. Suranys tym kóp eken.

«Bolashaqta gonorary 25 myń dollarǵa deıin kóterilse de, tań qalýǵa bolmaıdy», - deıdi toı ındýstrıasy bıznesin qolǵa alǵan Jan Muqanov.