36 jasar odessalyq Oksana Kobeleskaıa ekinshi balasyna aıaǵy aýyr ekenin bilgende qýanyshy kókke jetedi. Kúıeýi Sergeı ekeýi 3 jasar qyz tárbıelep otyrǵan ata-ana edi. Taǵy balaly bolýdy taǵatsyzdana kútip júrdi.

Biraq, olardy bir ǵajaıyp kútip turdy. Álemde bolmaǵan sensasıa oryn aldy.

Oksana men Sergeı esh ýaqytta úlken otbasy bolýdy oılamaǵan. Eki balamyz bolsa da jetedi dep júrgen otbasyn tańǵajaıyp jańalyq kútti.

Onyń ústine erli-zaıyptylardyń otbasylarynda egizder bolyp kórmegen. Sol úshin de Oksana óz ómirinde de ondaı bolmaıtynyna senimdi boldy.

Alaıda, áıel kezekti tekseristen ótý úshin perzenthanaǵa barǵanda, dárigerler oǵan esten tandyrarlyq jańalyq aıtty.

«Bári oıdaǵydaı ótip kele jatty. Biraq, dáriger ekranǵa qaraı bergende, túri bozaryp sala berdi. Meniń de úreıim ushty. Jatyrymdaǵy bala sanyn daýystap sanap jatyp, bundaı anaǵa teńiz jaǵasynan úı syıǵa tartý kerek», - dep basyn shaıqady.

Áıteýir, dáriger tekserý nátıjesimen bólisti: jatyrymda bes bala bar eken. Bes sábıdiń dúnıege kelýi – óte sırek kezdesetin jaǵdaı. Dárigerler tańdaı qaqtyrdy, Oksananyń ózi esin biraz jıa almaı júrdi.

«Men bolyp jatqan jaǵdaıdy tolyq túsine almaı júrdim. Tús kórip, bir ýaqytta oıanatyn sekildi boldym», - dep oıymen bólisti Oksana. Erli-zaıypty bul jańalyqqa uzaq ýaqyt kóndige almaı júrdi. Olardyń ómirdegi josparlary basqa edi. Endi bárin ózgertýge týra keledi. Biraq, Allanyń bergen erekshe syıynan bas tartý da múmkin emes edi. Tolǵaq 30-aptada bastaldy. Oksana perzenthanaǵa kelgende, ony segiz dáriger men birneshe medbıkeler kútip aldy. Tipti, medbıkeler Oksanaǵa qymbat, ári názik buıym retinde qaraǵan.

Dúnıege 3 ul, 2 qyz keldi, báriniń de deni saý.

Dará, Aleksandra, Denıs, Vladıslav, Davıd esimdi 5 búldirshin naǵyz juldyzdarǵa aınalyp shyǵa keldi. Olardyń dúnıege kelýi – álem tarıhynda qaıtalana bermeıtin jáıt, dep habarlaıdy «Qamshy» portaly.

Kóp balaly otbasy bılik nazaryna da iligip úlgergen. Búgingi kúni olar bılik ókilderi syıǵa tartaqn jańa páterde turady.

Bes búldirshindi juldyz etý úshin jarnamaǵa túsirýge ótinish aıtyp keletinder de kóp eken.

Úlken baqyt buıyrǵan jas otbasy balalarynyń bárin birdeı aıaqtarynan tik turǵyzý qoldarynan keletinine senimdi.