Aptaldaı azamat qulqynnyń qamy úshin týǵan sheshesine qol kóterdi. Jantúrshigerlik oqıǵa Aqtóbe oblysynyń  Hromtaý aýdanynda bolǵan. 75 jastaǵy Ájibek Molbaeva kenje ulynyń qolynda turǵan kezin azapty kúnder sanaıdy, dep habarlaıdy Evrazıa arnasy.

Sondaı-aq ol uly men kelini uryp-soǵyp, ashqursaq kúıinde úıde qamap ustaǵanyn aıtady.  Sózine qaraǵanda, zeınetqasyn tartyp alyp, sheshesiniń atyndaǵy úıdi de aldap-cýlap, óz attaryna resimdep alǵan.

Aq jaýlyqty ananyń qazirgi jaı kúıi qalaı? Aqbaıan Sultanmuratova jalǵastyrady.

Aptaldaı azamat qulqynnyń qamy úshin týǵan sheshesine qol kóterdi. Jantúrshigerlik oqıǵa Aqtóbe oblysynyń  Hromtaý aýdanynda bolǵan. 75 jastaǵy Ájibek Molbaeva kenje ulynyń qolynda turǵan kezin azapty kúnder sanaıdy. Uly men kelini uryp-soǵyp, ashqursaq kúıinde úıde qamap ustaǵanyn aıtady.  Sózine qaraǵanda, zeınetqasyn tartyp alyp, sheshesiniń atyndaǵy úıdi de aldap-cýlap, óz attaryna resimdep alǵan.  Aq jaýlyqty ananyń qazirgi jaı kúıi qalaı? Aqbaıan Sultanmuratova jalǵastyrady.

On balany baǵyp-qaǵyp, tárbıelep ósirgen Ájibek Molbaeva  kóresini kenjesinen kóremin dep oılamaǵanyn aıtady. Qıt etse, qarıany urýdy ádetke aınaldyrǵan. Keıýananyń aıtýynsha, bul daý baspanadan bastalǵan. 36 jastaǵy kenje ul men kelini anasynyń atyndaǵy páterdi óz attaryna resimdeýdi suraıdy. Biraq, Ájibek ana oǵan kelispeıdi.  Bul oılarynan túk shyqpaǵasyn, qýlyqqa kóshken. Zeınetaqysynyń óseıin dep jatqanyn syltaýratyp, qujattarǵa qol qoıdyrtyp alady.

«Úıdi aýdarasyń , anany netesiń men netem desem urady, aýdarasyń qalaıda  mynadan urdy, belim túıilip qaldy, janym shyǵyp kete jazdady, kózim kórmeı qaldy, sovsem» — kópbalaly ana Ájibek Molbaeva.

Qazir kenje qyzynyń úıin panalap otyrǵan Ájibek apanyń boıynda áli qorqynysh pen úreı basym. Olar qaladan izdep kelip, baıaǵy áreketterine qaıta basa ma dep qorqady.  Otbasylyq kıkiljiń týraly  aıtýǵa qyzdary da qulyqsyz. Týǵan baýyrlarynyń áreketi týraly pikiri mynaǵan saıady:

«Ol meniń baýyrym bolǵasyn keshirem. Mamam biraq, men jumysqa shyqqan saıyn, kelgen saıyn, jylap otyrady, analar ne bolyp jatyr dep» — kenje qyzy Ájibek Molbaevanyń.

Qarıa taırańdap ketken kenje ulyn tártipke salsa eken dep amalsyz oblys basshysyna shaǵymdandy. Bul ótinishin ákimniń esebine qatysyp, jaıyp saldy.

«Tıisti shara qoldaný  kerek. Balasy anany uryp-soǵyp, tartyp aldy degen masqara ǵoı!» — Oblys ákimi Berdibek Saparbaev.

Qazir  polıseıler Ájibek Molbaevanyń shaǵymy boıynsha jumys jasap jatyr. Aryzynda zeınetker aı saıyn 50 myń zeınetaqysyn ruqsatsyz paıdalanyp kelgen, páterin óz attaryna aýdaryp alǵan, osyndaı músápir kúıge jetkizgen ul men kelinge tıisti jazasyn berýdi surapty.