Nottıngem ýnıversıteti men Katrın ýnıversıtetiniń doktory Martın Hagger adamnyń týa bitti minezi densaýlyǵynan habar beretindigin málimdedi.

Martın Haggerdiń aıtýynsha, minez gen men qorshaǵan ortaǵa baılanysty qalyptasady. Tegi myqty, qorshaǵan ortasy ádemi jerlerden dańqy adamdar kóp shyǵady.

Sondyqtan, densaýlyqtyń minezge qatysy baryn senimmen aıtýǵa bolady. Minezge baı adamdar uzaq jasaıdy ári kóp aýrý-syrqaýǵa ushyraı bermeıdi.

Adamnyń densaýlyǵy birge jumys isteıtin áriptesterine de baılanysty eken. Óıtkeni, adamdar óz ómiriniń bir bóligin jumysta ótkizedi.

Kvınslend ýnıversıtetiniń ǵalymdary júrgizgen zertteýler kórsetkendeı, ujym qandaı bolsa, adamdardyń densaýlyǵy da soǵan uqsas. 15 memleketten 19 myń adam qatysqan 58 zertteý jumystary osyny kórsetken.

«Eńbek ujymynyń bir bólshegimin» dep oılaıtyn jandardyń densaýlyǵy jaqsy bolyp shyqqan. Sonymen qatar olar qyzýqandylyqqa aparatyn sáttermen jıi ushyrasqan. Áleýmettik ıdentıfıkasıa (ózin belgili bir áleýmettik topqa jatqyzatyndar) adamnyń fızıkalyq jáne psıhıkalyq jaǵdaıyna qolaıly áser etedi.

Ǵalymdardyń aıtýynsha, ujym múshelerinen ár adamǵa qoldaý qajet. Ujym músheleriniń uıymshyl bolýy – óte paıdaly. Ondaı jerde qýanysh pen qaıǵyny birdeı bólise alasyz. Janashyryńyz kóp bolady. Bir ereksheligi: áıelder kóbirek ujymda baılanys nashar bolyp shyqqan.

«Aıqyn» gazetiniń jazbasynan