|
Praporshıkov aýylynyń turǵyny polısıa qyzmetkeriniń sýretiniń astyna pikir jazyp ketkeni úshin aıypty dep tanyldy. |
Bul týraly “Óskemen Jańalyqtary” habarlaıdy.
Aýyl turǵyny polıseıdiń qyzmettik kóliktiń qasynda turyp túsken sýretine, qorlaıtyn pikir jazǵan.
Glýbokov aýdandyq polısıasy qyzmetkeriniń sýreti VKontakte áleýmettik jelisinde jarıalanypty. Sýret kezekti patrýldik kezekshilik kezinde túsirilgen.
Pikir qaldyrýshy – 29 jastaǵy turǵyn eken. Tártip saqshysynyń namysyna tıetin pikir qaldyrǵan avtordy jyldam taýyp, qylmystyq is qozǵalyp, sotqa jetip úlgergen.
Bılik ókilin balaǵattaǵany úshin ol endi 100 AEK kóleminde aıyppul tóleýi tıis. Úkim áli zańdy kúshine enbedi.
Pikir qaldyrý