Qas qaraıyp qalǵan. Qaladan qaıtyp kele jatyrmyn. Bir kezde kóliktiń aldynan bý shyǵyp jatqan sıaqty. Baǵdarshamǵa toqtaǵan saıyn, jaryqpen shaǵylysady. Joldyń jıegine toqtadym. Biletin adam qusap kapotyn ashyp kórdim. Antıfrız quıatyn jerden býdaqtap bý atqylap jatyr. "Endi kimdi shaqyram, kimge habarlassam eken" dep turǵanymda bir kólik toqtady da, "qaryndas, kómek kerek pe?" dep aıqaılady ishinen bir aǵa. 
"Iá"
Kelip kórdi. "Buraıtyn neńiz bar?"
"Eshteńe joq"
Basyn shaıqady. Obshym, shlangynyń aýzy sál jyrtylǵan. Kólik júrgen kezde odan maı aǵyp, eki-úsh kún buryn quıǵan antıfrız taýsylǵan. Sosyn qaınap ketken. 
Aǵa aıtty. "Turlan ekspedısıasynda" turamyn. Úıge baryp, qajetti zattarymdy ap keleıin. Kúte alsańyz, 15-20 mınýt kútińiz" dep.
Mende basqa amal joq edi. Áli alda 25 shaqyrymdaı jol jatyr. Biraq aıttym. "Qaltamda eki myń teńge bar edi. Qazir oǵan maı alsam, sizge beretin aqsham bolmaı qalady" dep. 
"Men úshin sizdiń aqshańyz mańyzdy emes, úıińizge aman-esen jetkenińiz mańyzdy" dedi ana aǵa. 
Tup-týra 20 mınýt kúttim. Oı júırik ǵoı báribir, aıdaladaǵy bireý úshin sonsha jerge baryp kele me, kelmeı me dep. 
Joq, keldi, asaı-múseılerin arqalap. Sóıtsem ol aǵa kóliktiń tilin bes saýsaǵyndaı biletin, matordy shashyp-jınaıtyn kisi eken. Bes-on mınýttyń ishinde jóndep, aýystyryp berdi. Rıza boldym sondaı. Keıin telefon nómerińizge birlik salyp jiberem desem, aıtpaıdy. Sosyn "taǵy bir jerde osylaı toqtap qalsam, kómegińiz kerek bop qalar" dep júrip jazyp aldym. Ol aǵa men qashan uzap ketkenshe kóligine minbeı qarap turdy. İshteı Alladan "ul-qyzynyń qyzyǵyn kórsin, uzaq jasasyn" dep duǵa ettim. Ómirde jaqsy adamdar kóp. Jáne olar janymyzda júr.

Áıgerim Begimbettiń feısbýk paraqshasynan