40 jyldaı tarıhy bar, qazaq qaljyń óneriniń qara shańyraǵy, qazaqtyń sahnasynda kúni búginge deıin atynan at úrketin óner maıtalmandary jalpaq álemge tanylǵan «Tamasha» endi birde «Tamasha 7km», birde «Tamasha Sıtı» bolyp, «bolmasań da uqsap baq, bir JAMANDY kórseńiz» dertine shaldyǵypty. Reseıdiń arnalarynda ótetin bádik - shoýlardyń kóshirmesi boldy. Óziniń sara joly bar emes pe edi? Óziniń aıtar túıeden túskendeı túıindi sózi bar emes pe edi. Endi sonyń biri de joq. Arasynda «Áp, bárekeldi!» deı bastasań artynan kóńiliń qalatyn shala oıyn, báldir batpaq shymshyma sholtań ete qalady. Óz jolynan taıqyp, ózgenikin kóshiretin jolǵa túskenine ne sebep? «Tamasha» izdený jolynda» - deıtin shyǵarsyzdar bálkim. İzdenetindeı keshe ashylǵan habar bolsańdar bir sári ǵoı. 40-jyl bolǵan «Tamasha» emes pe edi?!
Bir-ekeýin kózim shalyp qaldy. Tanystardan surasam, «Kórgemiz joq, qalaı eken?» - deıdi. Demek, kórýshi yntyqpaıtyn dúnıeni bastaǵansyzdar. Qoıa qoıyńyzdar! Reseıdiń shoýlaryn jaman demeımin. Keremet! Biraq ol ózderi úshin! Qazaq úshin emes. Bizden kórgenin istepti dep Sizderdi áýeletip, aspandatyp, ataqtaryńyzǵa ataq qosyp, Reseıdegi 250 mıllıon kórermen Sizderge aýyp ketse qýanar edim. Biraq ol bolmaıdy! Tyrashtanbaı-aq qoıyńyzdar! Qazaq kóretin, Astana men Almatydaǵy shala qazaq emes, eldegi qazaq kóretin «Tamasha» qurydy! Al, kopıa retinde jaqsy shyǵarsyzdar, biraq, tek qana KOPIA ǵana! Uıat!
Feısbýk qoldanýshysy Meıirhat Mádenıettiń paraqshasynan alynǵan jazba
