Astana temir jol vokzalyndaǵy ájethanalardyń saldarynan halyqaralyq qatynastar buzylýǵa shaq qaldy, dep habarlaıdy Rezonans, málimettiń qazaqsha nusqasyn «Qamshy» portaly oqyrmen nazaryna usynady.

Bul oqıǵa Naýryz merekesi qarsańynda oryn alǵan. Aqmola oblysyndaǵy saparǵa M.Telibekovpen birge kelgen sheteldik qonaqtardyń biri vokzaldaǵy ájethanany kórip, esinen tana jazdady. Dinge berik adam bolǵanyna qaramastan, ózin tozaqqa túsip ketkendeı sezingen.

«Esiktiń aldynda otyrǵan mystan sekildi áıel menen 50 teńge berýimdi talap etti. Basynda buǵan mán bermegen edim, keıinnen ańǵardym: adamnan óz qajettiligin óteýi úshin aqsha suraý – tozaqtyń birinshi belgisi. Ol jerge kirgenimde esime birden astyrtyn sózder túse bastady. Onda kúnáharlar óte kóp edi, otty Jahannamnyń alǵashqy belgisi – lastyq pen zulymdyq. Tunshyǵyp qala jazdaǵanymda, meni perishteler qutqaryp qaldy. Allaǵa shúkir!» - dep, óz sezimin osylaı jetkizdi sheteldik qonaq.

Dál sol kúni arab sheıhy óziniń Dýbaıdaǵy keńsesine habarlasyp, Astana qalasyna dereý jeke adamǵa arnalǵan ájethanalar jiberýin suraǵan.

Sheteldik dosynyń tańyrqaǵan túrin kórip, M.Telibekov jedel túrde Astana qalasynyń ákimi Áset Isekeshovke hat joldady.

«Balam! Dereý temir jol vokzaldaryndaǵy ájethanalardy rette. Nege Astana qalasyndaǵy áýejaıdyń ájethanalary taza ári adamdar onda tegin kire alady da, al vokzal ájethanalarynda mynadaı sumdyqtar oryn alýda?! Sen eshqashan da temir jolmen júrmeıtinińdi bilemin, alaıda qyzyq úshin óziń bir kirip kórshi. Qysqasy, saǵan bir aı ýaqyt beremin. Keleside Astanaǵa kelgenimde temir jol vokzaldaryndaǵy ájethanalardyń ishi taza, óz páterińdegideı jupar ańqyp turatyn bolsyn. Mundaı bolmaǵan jaǵdaıda, senimen basqasha sóılesýime týra keledi. Sen meniń minezimdi bilesiń!» - dep qysqa qaıyrdy óz hatynda.