Zamannyń damyǵany sonshalyq, búgingi kúni adamdar artyq qımyldy qajet etpeıdi. Jumystyń bárin istep beretin dap-daıyn robottar paıda boldy. Kitpahanalarǵa barmasaq ta, úıde otyryp ǵalamtor jelilerinen kerek aqparatymyzdy taba alamyz. Ydys deısiń be, kir deısiń be, bárin tap-tuınaqtaı etip jýyp beretin avtomatty mashınalar bar. Bári ońaı. Alaıda, sonyń ózi jetkiliksiz sekildi. Artyq qadamdarsyz-aq dittegen jerińizge jetkińiz keletin shyǵar. Onda Qytaı siz úshin taptyrmas múmkindik. Sebebi, Qytaıda úıińizden attap shyqpaı-aq jumysyńyzǵa jetip alýyńyzǵa bolady.

Qytaıdyń Chýnsın qalasynda poıyz ǵımarattyń ishinen ótedi eken. Jeńil relsti jolaýshylar poıyzy 19 qabatty turǵyn úıdiń 6-8-qabattarynan ótedi. Iaǵnı, turǵyndar ǵımarattan shyqpaı, poıyzǵa otyryp kete alady. 

Chýnsın - Qytaıdyń ońtústik shyǵysynda ornalasqan megapolıs. Onda 49 mln halyq turady.