Bıyl Atyraý  oblysynda 333 shaqyrym asfált tóselip, jóndeý josparlanǵan. Atalǵan kórsetkish byltyrǵydan eki esege jýyq kóp. Bul týraly búgin ótken oblystyq Qoǵamdyq keńespen keńeıtilgen májilis kezinde belgili boldy. Oblys ákimi Nurlan Noǵaev tóraǵalyq etken otyrysta Jolaýshylar kóligi jáne avtomobıl joldary basqarmasynyń basshysy Qaırat Nurtaev bul maqsatta respýblıkalyq jáne oblystyq búdjetten boljamdy quny 31,5mıllıard teńge bólý josparlanyp otyrǵanyn baıandady. Oblys ákimi baspasóz qyzmetiniń habarlaýynsha, bul 333 shaqyrymnyń ishine qalalyq mańyzdaǵy 250 shaqyrym jol jáne oblystyq, aýdandyq mańyzdaǵy joldar men kópirler bar.

Aıta ketelik, Atyraýdaǵy oblystyq jáne aýdandyq deńgeıdegi 2000 shaqyrym joldyń 49 paıyzy jaqsy jáne qanaǵattanarlyq kúıde. Bıyl bul kórsetkishti arttyryp, 51 paıyzdan asyrý josparlanǵan.