Qyrǵyzstannyń bas prokýratýrasy burynǵy vıse-premer-mınıstr Taıyrbek Sarpashev pen Memlekettik tirkeý qyzmetiniń laýazymdy tulǵalaryna qarsy "qyzmet babyn asyra paıdalandy" degen bappen qylmystyq is qozǵady dep habarlaıdy centralasian.org prokýratýranyń baspasóz qyzmetine silteme jasap.

Prokýratýra málimeti boıynsha, 2013 jyly 28 naýryzda memlekettik tirkeý qyzmeti týý týraly kýálikke 8 mln somǵa tender jarıalaǵan. Oǵan eki kompanıa qatysyp, sonyń biri jeńiske jetken.

Qarjy mınıstrligi tenderdi ótti dep tanyǵan. Biraq Sarpashev tenderde utylǵan kompanıadan kýálik blankterin satyp alýǵa tapsyrma bergen.

40 myń týý týraly kýálik jańa týǵan sábılerge taratylǵan. 2015 jyly maýsymda mamandar blankterden qate tapty: týý týraly kýálikterde usaq áriptermen "Neke týraly kýálik" dep jazylǵan.