Italıada 14 jasar qyzdyń ata-anasy ony osylaısha jazalamaq bolǵan. Kópshilik jerde oramal taǵýdan bas tartqany úshin onyń shashyn alyp tastaǵan. Bul týraly «Qamshy» portaly lenta.ru-ǵa silteme jasap habarlaıdy.
Bul oqıǵa Bangladeshten kelgen Bolonáda turatyn azamattar janusynda oryn alǵan. Kelýshiler polısıa kózine buryndary ersi qylyqtarymen túspegen.
Qyzdyń anasy óziniń 8-synypta oqıtyn qyzynyń mektepke bararda hıdjapty sheship, úıge kelgende qaıta kıetinin kórip onyń shashyn alyp tastaǵan.
Osy jaǵdaıdan keıin mektepke barǵan qyz mektep muǵalimderine óziniń jaǵdaıyn aıtyp quqyq qorǵaý organdaryna habarlasýdy suraǵan.
Nátıjesinde qyzdyń áke-sheshesi oǵan tek qana hıdjab kıýdi mindettemegeni belgili boldy. Sonymen birge úıden jalǵyz esh jerge shyqpaýǵa, er adamdarmen, tipti óziniń synyptasyrymen sóılesýge tyıym salynǵan. Qyzdy qandaı da bir zorlyqqa ıtermelemese de, qyzǵa jáne onyń sińilderine psıhologıalyq qysym jasalatyny belgili boldy. Ata-analar balalarǵa qataldyq kórsetkeni úshin aıyptalyp, qyzdar bolsa ata-analarynan jyraqtalyp qaýipsiz jerge ornalastyryldy. Ata-analary sot aldynda jaýap beretin bolady. Qaladaǵy musylman qaýymdastyqtary quqyq organdarynyń mundaı is áreketterine teris pikirlerin bildirdi.
