Qasym han týraly tarıhı fılm «Qazaq handyǵy» telehıkaıasynyń jalǵasy esepti túsiriledi, - dep habarlaıdy «Qamshy» portaly   Abai.kz-ke silteme jasap.

«Qazaq handyǵy» telehıkaıasy senarı avtorlarynyń biri Smaǵul Elýbaı «Jas Alash» gazetine bergen pikirinde jańa fılm týraly aıtty.

«Qazaq handyǵy jobasyna qatysty jańalyǵymyz da bar. Osy tarıhı jobanyń jalǵasy retinde prezıdent N.Nazarbaev mádenıet jáne sport mınıstri Arystanbek Muhamedıulyna Qasym han týraly tarıhı fılm túsirýge tapsyrma berdi. Bizge de tapsyrma berilip, biz, senarıster, tarıhqa qaıtadan kireıik dep jatyrmyz. Bul úlken qýanysh. Qazaq handarynyń ishindegi eń myqty, aıtýly han – Qasym. Qazaqtyń qazirgi terıtorıasynyń negizin sol Qasym han kúrespen, shaıqaspen júrip qalyptastyrǵany belgili. Sondyqtan bul joba qyzyqty bolady dep oılaımyn. Qalyń kórermendi osy bir qýanyshty habarmen quttyqtap qoıaıyn dep edim», – deıdi senarıst.

Qasym han – handyqty qurýshylardyń biri Jánibektiń balasy. Onyń handyq qurǵan tusynda qazaq jeriniń shekarasy keńeıip, memlekettiń damýy, ósýi qarqyn alǵan.

Ázirge jańa tarıhı kıno jobany qandaı rejıser túsiretini belgisiz.