Ata-ana úshin eń bastysy – balasyna tárbıe berip qana qoımaı, onymen jaqyn dos bola bilý. Kanzastyq kishkentaı Gabrıel esimdi balaqaıdyń ákesiniń istegeni naǵyz azamatqa tán qasıet. 2015 jyldyń naýryzynda segiz jastaǵy balanyń mıynda isik bar degen dıagnoz qoıyldy. Qýanyshqa oraı, balaǵa ota jasalyp, mıyndaǵy isikti alyp tastaıdy. Alaıda derti tarqaı qoımaǵan.

Otadan keıin hımıoterapıa jasatyp, Gabrıeldiń shashyn taqyrlap alyp tastaıdy. Al, qulaǵynyń túbindegi tyrtyq syrt kózge qatty kórinip turatyn. Sol úshin Gabrıel mektepte yńǵaısyzdanyp júretin. Óziniń dostarynan alshqatap, eshkimmen aralaspaıtyn bolyp ketedi. Sebebi, bári onyń tyrtyǵyna qarap, mazaqtaǵandaı kórinetin.

Sóıtip, balanyń ákesi Djash Marshal dál balasynyń tyrtyǵyndaı tatý basyna tatý jasatady.

«Meniń ulym otadan keıin tym uıań bolyp ketti. Ózin quddy bir qubyjyqtaı sezinetin. Sodan men de dál balam sekildi tyrtyq jasap alýǵa bel baıladym. Jurttyń úreıli nazary balamda ǵana emes, ekeýmizge birdeı aýsyn» deıdi ákesi.

Áke men balanyń basynda birdeı tyrtyǵy bar sýreti ǵalamtor betinde keńinen jaıyldy. Buny kórgen jurt ákeniń istegenine súısine qarady.

Ákeniń bul áreketi – jaı ǵana sóz qylatyn dúnıe emes, baǵa jetpes is. Tipti, áleýmettik jeli qoldanýshylary ony «Jyl ákesi» dep atap ketken eken.