1943-44 jyldar aralyǵynda fashıser №1 Poloskıı balalar úıiniń tárbıelenýshilerin donor retinde paıdalanǵysy kelgen dep jazady Qamshy aqparattyq agenttigi.

Balalar úıiniń dırektory Mıhaıl Stepanovıch Forınko balalardyń ómirin saqtap qalýǵa bel baılady. Ol balalardyń aǵzasyn alǵanǵa deıin olardyń densaýlyǵyn túzeý maqsatynda balalar men balalar úıiniń qyzmetkerlerin Belchısa aýylyna kóshirýdi usynady. Osylaısha balalarǵa tónip turǵan qaýipti ýaqytsha seıiltti. Endigi qadam balalardy partızandyq aımaqqa shyǵaryp, ushaqpen alyp ketý edi.

1944 jyl aqpan aıynyń 18-nen 19-na qaraǵan túni aýyldan 154 balalar úıiniń tárbıelenýshileri, 38 tárbıeshi jáne qupıa «Besstrashnye» tobynyń músheleri men Chapaev atyndaǵy Shorsa brıgadasy aýyldan shyqty. Balalardyń jasy 3-ten 14-ke deıin boldy.

Kishkentaılardyń ózi qaýipti sezdi. Fashıser bilip qoıǵan jaǵdaıda olardy ýaqytsha tejeıtin kezekshi partızandar boldy. Ormanda olardy shanaǵa jegilgen poezd kútip turdy. Ushqyshtar kóp kómegin tıgizdi. Olar Belchıı aýylyn aınaldyra ushyp jaýdyń kóńilin basqaǵa aýdarýǵa tyrysty.

Aspanda jaryq raketalar paıda bolsa jerge otyryp, qımyldamaý qajettigi týraly balalarǵa eskertildi. Balalardyń barlyǵyn dittegen jerge jetkizdi. Endi balalardy fronttan tezirek shyǵarý qajet edi. Sebebi nemister balalardyń joqtyǵyn birden baıqady. Ushaqtar balalardy shyǵara bastady. Abyroı bolǵanda balalardy ólimnen saqtap qalǵan.