Parıj bıligi shahar kóshelerin bosqyndardan tazarta bastady. Bul týraly Qamshy aqparattyq agenttigi sheteldik BAQ-qa silteme jasap habarlaıdy.
Osy maqsatta qalanyń batysyndaǵy kelimsekterdiń shatyrdan tigilgen lageri buzyldy. Al kirmelerdi ózge aımaqtarǵa kóshirip jatyr. Áýelde myń jarym adam qonys aýdarady dep josparlanǵan. Keıin bul san 2 myń 700-ge deıin jetti. Endi olar mektepterdiń sport zaly men ózge de bos turǵan nysandarǵa ýaqytsha turaqtaıdy.
Aıta keteıik, búginde kári qurlyq úlken mıgrasıalyq daǵdarysty bastan ótkerip jatyr. Birikken Ulttar Uıymynyń málimetterine qaraǵanda, jyl basynan beri munda Jerorta teńizi arqyly 260 myńnan astam adam bas saýǵalap kelgen.
Sholýshy: Aıgerim Taýbaı
