Sybaılas jemqorlyqqa qarsy qyzmet farmkompanıa múddesin lobbılendirgeni jáne júıeli túrde para alǵany úshin Densaýlyq saqtaý mınıstrliginiń Farmasıa komıteti men terrıtorıaldyq bólim qyzmetkerlerin ustady, dep jazady Qamshy aqparat agenttigi. Bul týraly Jemqorlyqqa qarsy kúres Ulttyq búrosy habarlaıdy.

 3 shilde kúni Jemqorlyqqa qarsy qyzmeti birneshe márte 10 mln-nan joǵary somada birneshe ret para alǵan Densaýlyq saqtaý mınıstrligine qarasty Farmasıa komıtetiniń tóraǵasy L.Iý.Pak, Pavlodar oblysy boıynsha Farmasıa departamentiniń jetekshisi Z.Sh.Qajynova, Ońtústik Qazaqstan oblysy boıynsha Farmasıa komıtetiniń bas mamany P.T.Imamhodjaev pen Farmasıa komıtetiniń bas sarapshysy D.K.Ibraevany ustady.

Olar zańsyz túrde aqshalaı syıdy óndiristik jáne dıstrıbútorlyq tájirıbe sertıfıkattary úshin alyp otyrǵan. Sondaı-aq para bergen «Zerde» ǴÓB» JSHS atqarýshy dırektory E.M.Júzbaeva da qolǵa tústi.

Atalǵan qyzmetkerler para alýdan basqa kepildi tegin medısınalyq kómek mólsherinen satyp alynatyn medısınalyq preparattardyń baǵasyn kóterý arqyly búdjet qarjysyn jymqyrǵan dep aıyptalyp otyr. Pak, Qajynova, Imamhodjaev pen Júzbaeva qamaýǵa alynsa, Ibraeva úı qamaqqa alyndy.