Batys Qazaqstan oblysy Qaztal aýdany Taldyapan aýylynda toǵyzynshy synyp oqýshysy óz-ózine qol saldy, dep jazady Qamshy aqparattyq agenttigi  "Moı gorod" basylymyna silteme jasap.

Qaıǵyly oqıǵa 5 shilde kúni bolǵan. Qyz sol kúni qurbylarynyń bárine baryp shyǵyp, úıge kelgesin asylyp qalǵan. Qyz ózine-ózi qol jumsardan buryn, hat jazyp qaldyrypty. Hatynda "qara adam — ajal" burynnan shaqyryp júrgeni jazylǵan. 

"Ózim asylyp qalmasam, jaqyndarymdy alyp ketedi. Tipti qazir qasymda asyqtyryp tur, sondyqtan durystap jaza almaı otyrmyn. Meniń ólimime eshkimdi aıyptamańdar", — delingen hatta.

Basylym atap ótkendeı, qyzdan bólek otbasynda taǵy bes bala bar. Ózi sabaqty jaqsy oqyǵan eken, 8 shildede dostarymen birge Astanaǵa EKSPO kórmesine barýy tıis bolatyn.

Sholýshy: Aıgerim Taýbaı