Astana EKSPO 2017 kórmesiniń alǵashqy aıy artta qaldy. Maýsymnyń 10-y kúni óz esigin aıqara ashqan qalashyq aýmaǵyna myńdaǵan meıman kelip, energetıka salasyndaǵy sońǵy bastamalarmen tanysyp úlgerdi dep habarlaıdy Qamshy aqparattyq agenttigi. EKSPO-ǵa alys-jaqyn shetelderden, Qazaqstannyń túkpir-túkpirinen qonaqtar keldi. Bolashaq energıasy taqyrybynda ótken Qazaqstan kórmesi sózsiz ózindik ereksheligimen qonaqtardy tánti etti.
Dúnıejúzilik sharany uıymdastyrýshylar alǵashqy 30 kúnde atqarylǵan ońdy isterin qorytyndylap, aldyn ala nátıjelerin jarıalady. Beıbit Qarymsaqov, «Astana EKSPO-2017» UK» AQ basqarýshy dırektory: - Elimizdiń basqa aımaqtarynan keldi. Uıymdastyrylǵan toptarmen keldi, onyń ishinde 17700-i balalar boldy. Negizi adamdar Qaraǵandy, Aqmola, Pavlodar oblystarynan keldi. Bizdiń esep boıynsha kórmege 130 myńǵa jýyq shetel azamaty keldi. Bul kelýishlerdiń 14 paıyzyn quraıdy. Reseıden 35 jarym myń adam, Germanıadan 19 myń adam, Qytaıdan 11 jarym myń adam keldi. EKSPO kezindegi ashyq aspan rejımine baılanysty elimizde 21 áýe kompanıasy 28 baǵytta jumys istep jatyr. Aptasyna 166 reıs keledi. Málimetke sáıkes, qaladaǵy qonaqúılerge meımandar 60 paıyzǵa deıin qonystanǵan. Bul ótken jylmen salystyrǵanda 3 ese artyq. Bir aı ishinde kórmede 1031 oıyn-saýyq jáne iskerlik shara uıymdastyryldy. El, úkimet basshylary, komısarlardyń qatysýymen 84 hattamalyq is-shara iske asyryldy. 1 maýsym-10 shilde aralyǵynda jeńildetilgen 2 aksıa uıymdastyryldy. Bılettiń taǵy bir túri engizildi. Jalpy kórme shtattyq rejımde jumys isteıdi. Kórme kezinde eshqandaı oqys oqıǵa tirkelgen joq.
