Kókshetaýda Qopa kóline batyp ólmek bolǵan kelinshek qutqaryldy, dep habarlaıdy Qamshy aqparattyq agenttigi QazAqparatqa silteme jasaı otyryp. TJD baspasóz qyzmetiniń málimeti boıynsha, keleńsiz jaǵdaı aǵymdaǵy jyldyń 6 maýsymynda bolǵan.

Osy kúni baqylaý munarasynda kezekshilikte turǵan Kókshetaý qalalyq qutqarý bólimshesiniń qyzmetkeri F.Gabaıdýlın jaǵadan 300 metr qashyqtyqta sý batyp bara jatqan  áıeldi baıqap qalady. "Oqıǵa ornyna dereý jetken qutqarýshylar beline deıin sýǵa kirip ketken áıeldiń batyp ólmek bolǵanyna kóz jetkizedi. Áıeldiń ústinde kıimi, qolynda sómkesi bolǵan. Sol sátte qutqarýshylardyń biri áıeldiń kóńilin aýlap turǵanda ekinshisi shap berip ustap jaǵaǵa alyp shyqty. Keıin medısınalyq kómek kórsetilgennen soń kelinshek polısıaǵa tapsyryldy", delingen habarlamada. 

Sholýshy: Ásel Bolaqyzy