Qytaı  bul jobany negizinen  bir jylǵa sozylýy tıis. Bul ýaqyt boıy birin-biri almastyrǵan segiz erikti arnaıy modýldiń ishinde turatyn bolady dep habarlaıdy Qamshy aqparattyq agentigi 24.kz-ke  silteme jasaı otyryp.Onyń aýmaǵy - 160 sharshy metr. Munda jatatyn jáne demalatyn oryn men qaldyqtardy joıýǵa arnalǵan bólme bar. Degenmen modýldiń kóp bóligin eki jylyjaı alyp jatyr. Eriktiler onda kókónis ósirip, sonymen tamaqtanady. Jalpy Qytaı 2036 jylǵa taman aıǵa alǵashqy ǵaryshkerlerin attandyrýǵa nıetti. Bul joba kómegimen astronavttardyń uzaq ýaqyt boıy avtonomdy modýldiń ishinde ómir súrý qabilettigi tekseriledi. Osy maqsatpen Aspanasty eliniń ǵalymdary úsh jyl buryn uqsas tájirıbe júrgizgen bolatyn. Ol nebári úsh aıǵa ǵana sozylǵan.  

Lú Hoı, tájirıbe qatysýshysy: - Kúni boıy sharýalarmen aınalysyp júrip, ýaqyttyń qalaı ótkenin baıqamaı qalamyz. Alaıda demalýǵa otyrǵanda kóńilimiz jabyrqap qalady. Óıtkeni jaqyndaryń jaıly oılap, týǵan-týystaryńdy saǵynasyń. Sondyqtan joba qatysýshylarymen áńgime-dúken quryp, biraz jeńildep qalamyz.

Sholýshy: Aqnur MUHTARHAN