Eki ret balalarǵa seksýaldy kúsh kórsetip qamaýǵa alynǵan qylmysker, bostandyqqa shyqty. 8 jáne 10 jastaǵy balalardy zorlaǵan pedofıl mezgilinen buryn qamaýdan bosap shyqty. Zyrán aýdanynda túrmeden shyqqan qylmysker 11 jastaǵy qyzdy zorlamaq bolǵan. Bul týraly Qamshy aqparattyq agenttigi Moı Gorod málimetine súıenip habarlaıdy.

AİİB basshysynyń orynbasary Rýstam Nadyrovtyń aıtýynsha, «Saǵat 18:30-da Zyránovsk turǵyny belgisiz azamattyń kishkentaı qyzyn zorlamaq bolǵanyn aıtyp, polıseılerge habar berdi».

Anasynyń aıtýynsha, qyzy ózge balalarmen aýlada oınap júrgen. Sol sátte er adam olardyń mańynda aınalshyqtap júrip, eki qyzdy qasyna shaqyryp alypty. Uıaly telefonyn kórsetip, balalardyń kóńilin aýlaǵan azamat eki qyzdyń birin ózimen birge ertip  ketken.

Polıseılerdiń sózine sensek, aýladaǵy ózge balalar qyzdyń anasyna balasyn beıtanys er adam ertip áketkenin aıtyp beripti.

"Áıel birden qyzyn izdeýge kirisip, aıqaıǵa basqan. Sol sátte pedofıl qyz balany sheshindirip úlgergen. Áıeldiń  daýysyn  estip, izin sýytady. Áıel birden polısıa shaqyrtady. Tártip saqshylary kúdiktini tez arada quryqtady. 10 shilde kúni sot ony qamaýǵa alý sheshimin shyǵardy", - deıdi Rýstam Nadyrov.

Aıta ketsek, biraz ýaqyt buryn qylmysker bala zorlaǵany úshin 8 jáne 10 jylǵa bas bostandyǵynan aıyrylǵan.

Sholýshy: Aıgerim Taýbaı