Ulybrıtanıa Premer-Mınıstri Tereza Meıdiń Brexit-ten keıin Koróldikte turatyn Eýropalyq azamattarǵa beriletin múmkindikter týraly aıtqan usynysyna Eýroparlament músheleriniń kóńili tolmaıdy, dep habarlaıdy Qamshy aqparattyq agenttigi sheteldik BAQ-qa silteme jasap.

Olar mundaı málimdemeni ózderiniń ashyq hatynda jazǵan. Ony depýtattardyń tórtten úshi maquldady. Eýropalyq parlamenttiń Brexit kelissózderi boıynsha ókili Gı Verhofstadttyń aıtýynsha, Brıtanıa usynysy qabyldansa, Eýropalyqtar Koróldikte ekinshi sanatty azamat bolyp qalady. Al buǵan deıin Ulybrıtanıa eki taraptyń azamattaryna teń quqyq berýge ýáde etken.

Eske sala keteıik, maýsym aıynyń sońynda Tereza Meı Brıtanıada turatyn Eýroodaq azamattaryna 5 jylǵa deıin Koróldikte emin-erkin ómir súrip, jergilikti azamattarmen teń quqyqta bolatynyn aıtqan edi. Derekterge qaraǵanda búginde Ulybrıtanıada Eýropalyq odaqqa múshe elderdiń 3 mln 2 júz myń azamaty ómir súrip jatyr.

Al Koroldiktiń Shengen aımaǵynda tek 1 mln 2 júz myń ǵana azamaty bar.

Sholýshy: Aıgerim Taýbaı