Qostanaıda iz-tússiz joǵalǵan 8 jastaǵy balany izdestirýge baılanysty tergeý áreketteri júrgizilýde. Bul týraly Qamshy aqparattyq agenttigi «Astana arnasyna» silteme jasap habarlaıdy.
Balany izdestirýge eriktiler toby da jumyldyryldy.
3-synyp oqıtyn Igor Koskııdi úshinshi táýlik izdestirip jatyr. 4 maýsym kúni Igor dalaǵa oınaýǵa ketken. Sońǵy ret ony Qostandaǵy dúkenderdiń birinde dosymen birge áldene satyp alyp turǵanyn kórgen. Keıbir kýágerlerdiń aıtýynsha balany bir er adam qolynan ustap alyp ketip bara jatqan. Alaıda bul nusqa áli resmı túrde dáleldenbegen.
