Oqys oqıǵa 5 shilde kúni BQO Qaztalov aýdany Taldapan aýylynda oryn alǵan, dep habarlaıdy Qamshy aqparattyq agenttigi Moı Gorod basylymyna silteme jasap.

Aýdan ákimi orynbasarynyń Zaılım Majıtovanyń aıtýynsha, toǵyzynshy synyp oqýshysy óziniń úıinen asýly kúıinde tabylǵan.

«Ol qyzdyń oqý úlgerimi óte jaqsy bolatyn. 8 shildede óziniń qurbysymen Astana qalasyna EKSPO kórmesine barýǵa daıyndalyp júrgen. Otbasylarynda 6 bala bar, solardyń besinshisi. Kóz jumar aldynda jarty saǵat buryn ol qyz barlyq qurbylarynyń úıin aralap shyǵyp, qoshtasyp qaıtqan sekildi. Keıin úıine oralǵannan soń asylyp qalǵan. Qyzdyń máıitin ata-anasy úıinen taýyp alǵan», - dep málimdedi ákim orynbasary.

«Máıittiń qasynda ol qyzdyń jazyp qaldyrǵan sońǵy haty tabyldy. Ol óziniń hatynda bir qara adamnyń ózin birneshe kúnnen ber ólimge shaqyryp júrgendigin aıtqan. «Ol maǵan ózim asylyp qalmasam, meniń jaqyndarymnyń barlyǵyn óltiremin deıdi. Tipti, qazirdiń ózinde ol meniń qasymda turyp, asyqtyryp jatyr, sol sebepti de asyǵys jazyp otyrmyn. Meniń ólimime eshkimdi kinálamaýlaryńyzdy ótinemin» - dep jazylǵan hatta», - deıdi Zaılım Majıtova.

Belgili bolǵandaı, 16 jastaǵy qyzdyń bul ýaqytqa deıin eshqandaı da oqys qylyǵy baıqalǵan emes.

Aýdarǵan: Nazerke Labıhan