Búkilálemdik «80 Days Race» 2019 jyly ótetin alǵashqy shara. 40-tan astam komanda Parıjdegi Eıfel munarasy janynan jarysty bastap, álemniń 8 iri qalalaryn qazba janar-jaǵarmaıyn qoldanbaı aralap shyǵady. Komandalar 80 kún ishinde 40 000-ǵa jýyq shaqyrymdy baǵyndyrý kerek. Tek qalypqa keletin resýrtsar arqyly jumys isteıtin kólik quralyn paıdalanyp, kúnine 500 shaqyrymdy júrip ótýleri tıis.
Jýrnalıser jarys ókilderimen, jarystyń qurmetti ókili Bertran Pıkkarmen, «80 Days Race» jarysynyń negizin qalaýshylardyń biri Frank Mandersonmen jáne dodaǵa qatysýshy, Astanaǵa óziniń elektrmobılinde jetken Krıs Ramsımen kezdesti.
-Qazaqstan – tez damyp jatqan jáne óziniń bolashaǵyn jasap jatqan ınovasıalyq, órshil el. Astana – bul memlekettiń damý aıǵaǵy. Qazaqstannyń jańarýǵa ashyqtyǵy jáne onyń bolashaqtyń tehnologıasyn ınvestısıalandyrý umtylysy «Bolashaqtyń energıasy» EKSPO-2017 jobasynda toptastyrylǵan. «80 Days Race» jobasy da bolashaqtyń tehnologıasyn alǵa damytýǵa baǵyttalǵan. Joba bizdiń jarqyn, taza, jańa bolashaqqa úlesimizdi qosýymyz, turaqty tehnologıanyń damýyna septigimizdi tıgizýimiz bolyp tabylady, – dedi «80 Days Race» jarysynyń negizin qalaýshylardyń biri F.Manders.
Astana – qatysýshylar ótetin segiz qalalardyń biri bolady. Pres-konferensıa aıasynda «Astana Konvenshn Búro» JSHS dırektory S.E.Aıtekenov pen 80 Days Race B.V. kompanıasynyń dırektory Frenk Mandesr arasynda áriptestik týraly memorandýmǵa qol qoıyldy. Memorandýmnyń maqsaty – Astana qalasynda ótetin «80 Day Race» jarysynyń ótýine daıyndyq júrgizý.
– Astanada mundaı deńgeıdegi sharany ótkizý bolashaqtyń tehnologıasyn damytý baǵytyndaǵy úlken qadam bolyp tabylady. Biz ony ótkizýge qalany daıyndaýǵa qýanyshtymyz, – deıdi «Astana Konvenshn Búro» JSHS dırektory Sanıar Aıtekenov.
