Saıasat, ekonomıka, bilim berý, densaýlyq saqtaý, sport, mádenıet jáne qoǵamnyń ózge de tynys tirshiligi týraly jedel ári senimdi aqparat taratyp júrgen «QazAqparat» Halyqaralyq Aqparat Agenttiginiń qurylǵanyna 97 jyl toldy. Bul týraly «QazAqparat» HAA bas redaktory Asqar Qumyran óziniń feıcbýk paraqshasynda jazdy dep habarlaıdy Qamshy.kz aqparat agenttigi.

«Meniń kózqarasym boıynsha, Dáýren Abaev búginginiń eń ozyq ári demokratıashyl mınıstri. «QazAqparat» HAA-niń 97 jyldyq mereıtoıyna kelip, ujymdy quttyqtady. Mınıstrdiń bizge kórsetken joǵary qoldaýyna alǵysymyzdy bildiremiz! Ujym óz kezeginde Dáýren Asqarbekulyn «Altyn bitikshi» belgisimen marapattaýdy jón sanady. Al bitikshi degenimiz – tarıhymyzdy tasqa qashap qaldyrǵan bizdiń ata-babalarymyz. Búginginiń tilimen aıtqanda qazaq tarıhyndaǵy eń alǵashqy jýrnalıser. «Búgingi kún – erteńgi tarıh» dep jazdy Asqar Qumyryn óziniń feıcbýk paraqshasynda.

Aıta ketsek, QazAqparat – Halyqaralyq dárejege ıe bolǵan Qazaqstandaǵy alǵashqy aqparattyq agenttik. Agenttik qazaq, orys jáne aǵylshyn tilderinde habar taratady. Kırıllısany oqı almaıtyn shetelde turatyn qandastarymyz úshin qazaqsha jańalyqtar latyn grafıkasy men arabsha tóte jazýǵa aýdarylǵan. Agenttiktiń ortalyq keńsesi Qazaqstannyń elordasy Astana qalasynda ornalasqan. Eldiń qarjylyq jáne mádenı ortalyǵy Almatyda onyń fılıaly – tilshiler búrosy bar. Eldiń barlyq aımaqtarynda 15 tilshiler pýnkti ornalasqan. Onyń ishine Baıqońyr da kiredi. Reseı, Qytaı, Túrkıa, BAÁ, Belgıa, Ázirbaıjan, Ózbekstan, Qyrǵyzstan elderinde menshikti tilshileri bar. Bul elimizde jáne álemde bolyp jatqan jańalyqtardy on-line rejımde jedel ári shynaıy taratýǵa múmkindik beredi.

Aıta ketsek, «QazAqparat» 1920 jyly «ROSTA»-nyń Orynbor-Torǵaı bólimshesi negizinde quryldy.

Halyqqa sapaly aqparat taratyn júrgen "QazAqparat" ujymyn Qamshy.kz aqparat agenttigi ujymy shyn júrekten quttyqtap, shyǵarmashylyq tabystar tileıdi!