Reseı astanasynda júzdegen musylman Mánmada etnıkalyq rohındja tobyn qýdalaýǵa narazylyq bildirip, qala ortalyǵynda ruqsat etilmegen aksıaǵa shyqqan. Reseılik "Dojd" telearnasynyń habarlaýynsha, Máskeýdegi Mánma elshiligi janyna jınalǵan narazylar "Allahý akbar!" dep aıǵaılaǵan. Ol jerde turǵan polısıa ókilderi narazylyq aksıasyna aralaspaı, syrttaı baqylap turǵan. Bul týraly Qamshy.kz aqparat agenttigi azattyq.org málimetine súıenip habarlaıdy.
Turǵyndarynyń basym bóligi býddızm dinin ustanatyn Mánma Respýblıkasynda musylman rohındjalar jergilikti bılik tarapynan qysym kórip otyr. Etnıkalyq az toptyń 75 myńnan astam ókili jaqynda elden qashýǵa májbúr bolǵan. Mánmada sońǵy aptalarda býddıster men musylmandar arasyndaǵy qaqtyǵystar saldarynan 400-den astam adam mert bolǵan.
Reseı quramyndaǵy Sheshenstannyń basshysy Ramzan Qadyrov Mánmadaǵy musylmandardy qýdalaýshylardy aıyptaǵan. Sheshenstanmen kórshi Daǵystanda rohındjalardy qoldaý aksıasy ótken.
Reseı syrtqy ister mınıstrligi Mánmadaǵy jaǵdaıǵa Máskeýdiń "muqıat nazar aýdaryp" otyrǵany týraly málimdep, janjalǵa qatysýshy taraptardy dıalog ornatýǵa shaqyrǵan.
