Almatyda jańa tehnologıalar, joǵary bilikti mamandar men ınvestısıalardy shoǵyrlandyratyn bas ortalyq - IT-kvartal tanystyryldy. Ortaq alań aýmaǵynda birikken jetekshi IT-kompanıalardyń áleýeti Elbasynyń Qazaqstan ekonomıkasyn sıfrlendirý jónindegi alǵa qoıǵan mindetterin júzege asyrýǵa múmkindik beretin basty qorǵa aınalmaq, dep habarlaıdy Qamshy.kz aqparat agenttigi.
IT-kvartaldyń basty mindeti – birlesken jumystan sınergetıkalyq nátıjeni alý úshin tehnologıalyq kompanıalardy biriktirý. Qazirgi tańda QR-daǵy IT-kompanıalardyń 60%-dan astamy Almatyda jumys jasaıdy. IT-kompanıalardy bir alańda shoǵyrlandyrý otandyq mamandardyń biliktiligin kóterýge, kúrdeli jobalardy júzege asyrýǵa jáne uzaq merzimdi sharttardy jasasýǵa múmkindik bermek. «Inovasıalyq tehnologıalar parki» derbes klasterlik qory (Almaty Tech Garden brendimen qyzmet jasaıdy) IT-kvartaldy qurý týraly bastamasyn eldegi Aqparat jáne komýnıkasıa salasyn damytý jáne eldi sıfr júıesine kóshirý mindetin tıimdi júzege asyrý maqsatynda QR Úkimetiniń qoldaýymen júzege asyrýda.
«Jibek Joly» bıznes ortalyǵynda ornalasqan IT-kvartal 17000 sharshy metr aýmaqty alyp jatyr. Ústimizdegi jyldyń sońyna deıin onda 10 IT-kompanıa jáne 15 startap jaıǵaspaq. 2018 jyly 20 IT-kompanıany jáne 50 startapty tartý kózdelip otyr. IT-kvartal damyǵan saıyn onyń alańyn keńeıtý úshin Halyqaralyq aqparattyq tehnologıalar ýnıversıtetimen birlese jeke kampýsty salý múmkindigi qarastyrylyp qoıǵan.
IT-kvartaldyń basty artyqshylyǵy – rezıdentterdiń IBM, ARM, Autodesk, 1S syndy basqa da mamandandyrylǵan zamanaýı platformalarǵa qol jetkize alatyndyǵynda. Sonymen qatar, «Inovasıalyq tehnologıalar parki» Arnaıy ekonomıkalyq aımaǵynyń eksaýmaqtylyq týraly sharttaryna sáıkes keletin kompanıalar áleýmettik salyqtan, jer salyǵynan, korporatıvtik kiris salyǵynan, múlik salyǵynan bosatý syndy salyqtyq jeńildikter men artyqshylyqtarǵa ıe bolady. Qazirgi tańda eksaýmaqtylyq qaǵıdasyna sáıkes «Inovasıalyq tehnologıalar parki» AEA-nyń artyqshylyqtaryna ıe bolǵan Almatydaǵy 45 kompanıa IT-kvartalǵa qatysýǵa múmkindigi bar.
IT-kvartal aýmaǵynda ınovasıalyq startaptardyń shoǵyrlanýy onyń damýyna úlken qozǵaý salmaq. Ústimizdegi jyldyń qazanynda Almaty Tech Garden halyqaralyq Startup Kazakhstan baǵdarlamasyn iske qosqaly otyr. Onyń qatysýshylary IT-kvartalda ornalaspaq. Startup Kazakhstan - otandyq startaptardy damytyp, sheteldik startaptardy elge tartýǵa baǵyttalǵan tuńǵysh aýqymdy qazaqstandyq baǵdarlama. Ol Almaty Tech Garden jáne GVA Capital-GVA Alatau Fund-tyń ortaq venchýrlyq qory arqyly qarjylandyrylatyn bolady. Startaptarǵa quıylatyn ınvestısıalardyń kólemi 100 000 dollarǵa deıin jetedi. 2020 jylǵa deıin 500-ge tarta ınovasıalyq startap qarjylandyrylyp, joǵary tehnologıalyq, eksportqa baǵdarlanǵan 50 kompanıa ınkýbasıalanady.
Ótken aıda Almaty Tech Garden GVA uıymymen birlesip, Kremnıı alqabynda tuńǵysh resmı tehnologıalyq ókildigin ashty. Osylaısha Startup Kazakhstan qatysýshylarynyń damýyn jedeldetý (daıarlaý) sharalary ishinara Kremnıı alqabynda (AQSH) júrgiziletin bolady. Sondaı-aq, «ITP» AEA-na jaıǵasatyn alǵashqy 10 rezıdent-kompanıany daıyndaý jumystary 25 qyrkúıekte, dúısenbi kúni osynda bastalady. Startup Kazakhstan baǵdarlamasy týraly tolyǵyraq aqparatpen 23 qyrkúıekte «ITP» AEA aýmaǵynda ótetin Tech Garden Fair halyqaralyq tehnologıalar men startaptar festıvali kezinde tanysýǵa bolady. Festıvál aıasynda Startup Kazakhstan baǵdarlamasyna qatysatyn eń úzdik startaptar baıqaýy ótkiziledi. Sonymen qatar, Qor balamaly qarjylandyrý kózderi, sonyń ishinde sıfrlik tokender arqyly startaptarǵa kómektesýdi josparlap otyr. Keıde ICO nemese «Initial Coin Offering» dep atalatyn bul sıfrlik tokender – qazir búkil álemde tanymaldyǵy qarqyndy túrde damyp kele jatqan blokcheın tehnologıasy negizinde ınvestısıalardy tartýdyń jańa ádisi. Startup Kazakhstan qatysýshylaryn ICO-ǵa shyǵýǵa daıyndaý úshin ICO-ınkýbatordy iske qosý josparlanǵan.
«Jetekshi ınovasıalyq ortalyqtarmen yntymaqtasý startap ekojúıesin damytýdyń negizi bolyp tabylady. Kremnıı alqabynda ókildiktiń iske qosylýy ınovasıalyq ortany damytýǵa, ozyq tehnologıalarǵa suranysy joǵary jahandyq jelige birikken sheteldik startaptardy tartyp, qazaqstandyq startaptardy oqytýǵa esik ashyp otyr», - dedi Global Venture Alliance basqarýshy seriktesi Leırd Kagan. Almaty Tech Garden-niń «Astana» Halyqaralyq qarjy ortalyǵymen ózara árekettesýi osy sharalardy júzege asyrý kezinde úlken demeý jasamaq. 20 qyrkúıek kúni Astanada Almaty Tech Garden, AHQO jáne GVA blokcheın tehnologıasyna arnalǵan ekojúıeni qurý salasynda yntymaqtasý jóninde memorandýmǵa qol qoıdy. Osyǵan qosa, Aqyldy tehnologıalardy damytý ortalyǵy qurylatyn bolady. Ol IBM-men birlesken «Zıatkerlik júıeler», EcoDomus jáne Autodesk-pen birlesken «BIM+ zerthanasy», brıtandyq IntelliSense.io kompanıasymen birlesken «Sıfrlik ónerkásip» syndy úsh ortalyqtan turatyn bolady. «IT-kvartaldy ashý arqyly biz IT-kompanıalarǵa ortaqtasyp, sınergetıkalyq nátıjege jetýge múmkindik beretin jaıly ınfraqurylymdy qala ishinde jasap berip otyrmyz. Biz osy alańdy baǵdarlamashylarǵa, ınnovatorlarǵa, jańa ıdeıalar, ozyq tehnologıalar men tyń sheshimderdi jasaýmen aınalysatyn jasampaz tulǵalarǵa usynyp otyrǵanymyzǵa qýanyshtymyz. Sonymen birge, biz «ITP» AEA negizinde mashına jasaý, jańa materıaldar, geologıalyq barlaý syndy aýyr ónerkásipterdi ınovasıalyq turǵyda damytýǵa baǵyttalǵan ekojúıeni damytýdamyz. Kezeń-kezeńimen áreket ete otyryp, biz Indýstrıa 4.0, Jańa materıaldar jáne Mashına jasaý syndy baǵyttarǵa arnalǵan Biliktilik ortalyqtaryn qalyptastyryp jatyrmyz. Sondaı-aq, AEA bazasynda geologıalyq klasterdi qurý múmkindigi pysyqtalyp, jer qoınaýyn paıdalanýshy iri ınvestorlardy tartý baǵytynda jumys júrgizilýde. Osylaısha «IPT» AEA ekonomıkanyń negizgi salalaryn sıfrlendirý jónindegi mindetti júzege asyrýǵa arnalǵan basty qorlardyń birine aınalýy úshin qajetti biliktilikter men jaǵdaılar jasalýda», - dep atap ótti Almaty Tech Garden bas dırektory Sanjar Kettebekov.
Anyqtama:
«Inovasıalyq tehnologıalar parki» Avtonomdyq klasterlik qory (Almaty Tech Garden brendimen qyzmet jasaıdy) - Qazaqstan Respýblıkasynyń Úkimeti qurǵan uıym. «Inovasıalyq tehnologıalar parki» ınovasıalyq klasteri týraly» zańǵa sáıkes qyzmetin júrgizedi. «ITP» AKQ mártebesi beıkomersıalyq uıymǵa jatady jáne de «Inovasıalyq tehnologıalar parki» Arnaıy ekonomıkalyq aımaǵyn basqaratyn organ bolyp tabylady. «ITP» AKQ qyzmeti ınovasıalarǵa degen suranysty yntalandyrý jáne shoǵyrlandyrýǵa, ǵylymı zertteýler men startaptardy ınkýbasıalaýǵa, sondaı-aq, joǵary tehnologıalyq kompanıalardy damytý úshin ınvestısıalardy tartýǵa baǵyttalǵan.
Global Venture Alliance. Inovasıalardy damytýǵa arnalǵan jekemenshik ekojúıe, akselerasıalyq, bilim berýshi baǵdarlamalardy, vechýrlyq jáne qaıyrymdylyq qorlardy, zertteý ınstıtýttaryn biriktiretin halyqaralyq holdıń. GVA tobynyń venchýrlyq qorlaryn basqaratyn GVA Capital ınvestısıalyq kompanıasy tehnologıalyq kompanıalarǵa tikeleı ınvestısıalar quıady. Kompanıa keńsesi AQSH-taǵy San-Fransısko qalasynda ornalasqan. GVA ekojúıesinde 60 myń kásipker, 150 kásipqoı ınvestor, 30 seriktes qor, 40 korporasıa shoǵyrlanǵan. GVA Capital $100 mln-nan asa aktıvterdi basqarady. Qorjynyndaǵy kompanıalardyń jalpy kapıtaldaný kólemi $5 mlrd. asady. Qorjyndaǵy 3 kompanıa IPO-ǵa shyǵyp, taǵy bir kompanıa bıyl IPO-ǵa shyǵýǵa daıyndalýda.
