Jastar arasyndaǵy «Ańsar» baıqaýyna ótinishter qabyldaý bastaldy, dep habarlaıdy Qamshy.kz aqparat agenttigi.
«Ańsar» Respýblıkalyq ádebı baıqaýy QR Din isteri jáne azamattyq qoǵam mınıstrliginiń qoldaýymen «Social Development Center» áleýmettik qory uıymdastyryp otyr. Baıqaýǵa jas aqyndar men qalamgerlerden ótinishter 11-shi qyrkúıekten 11-shi qazan aralyǵynda qabyldanady.
Jobanyń maqsaty - el jastarynyń shyǵarmashylyq áleýetin damytyp qana qoımaı, sonymen birge jas jýrnalıster, jazýshylar men aqyndardyń kásibı ósýine jol ashý. Baıqaýdyń taǵy bir maqsaty jurtshylyqty jýrnalısıka álemine qadam basqan qalamgerlerdiń, jazýshylar men aqyndardyń jumysymen tanystyrý, qoǵamdaǵy etnosaralyq kelisim men Qazaqstan halqynyń birligin nyǵaıtýǵa úles qosý bolyp tabylady.
Baıqaýǵa 14 jáne 29 jas aralyǵyndaǵy jastar qatysa alady. Jumystar qazaq jáne orys tilderinde úsh nomınasıa boıynsha qabyldanady. Nomınasıalar - «Shaǵyn proza», «Poezıa» jáne «Pýblısısıka». Qatysý úshin ótinishder www.konkursansar.kz elektrondy saıty arqyly qabyldanady.
Baıqaý barysynda qazylar alqasy Astanadaǵy saltanatty rásimge joldama alatyn 50 úzdik jumysty tańdaıdy. Baıqaý jeńimpazdary 3 nomınasıa boıynsha 660 myń teńgege ıe bolady.
