23 qyrkúıekte TNT arnasynda «Kóripkelder saıysynyń» 18-shi shyǵarylymy kórermenge jol tartty. Ol baǵdarlamaǵa qatysýshylardyń arasynda almatylyq Jan jáne Dana esimdi aǵa men qaryndas baýyrlar bar, dep habarlaıdy Qamshy.kz aqparat agenttigi. «StarHıt» saıty qatysýshylardyń avtobıografıasyna toqtala ketip, qysqasha málimet beredi.

Málimetterge sáıkes, Jan kóz jumǵan adamdardyń árýaqtarymen baılanysqa túse alsa, Dana áli dúnıe esigin ashpaǵan sábılermen ózara túsinisip, sóılese alady eken.

«Men alty jasymda únemi kórshimniń úıiniń mańynan ótip bara jatyp, oǵan eskertetinmin: «Sasha aǵa, siz jaqynda qaıtys bolasyz», - dep. Al ol maǵan: «Bárimiz de bir kúni kóz jumamyz ǵoı» - dep jaýap beretin. Alaıda men qoımaı, únemi qolymdy onyń júreginiń tusyna silteıtinmin. Shamamen, eki aı ótkennen soń Sasha aǵa júrek talmasynan kóz jumdy», - deıdi 35 jastaǵy kóripkel.

Jan on jasqa kelgende onyń aǵasy qaıtys bolǵan. Jerleý rásimi kezinde ol beıit basyn aralap júrip bir adamnyń beıitine qulap túsken. «Seldiń saldarynan qabir buzylyp qalǵan eken. Qansha ýaqyt esimdi jımaı jatyp qalǵanymdy bilmeımin, biraq ol jerden turýyma maǵan eki adam kómektesti. Keıinnen ol eki adam árýaqtar ekenin túsindim», - dep eske alady Jan Álibekov.

Al onyń qaryndasy Dana Álibekova óziniń qabiletterin eseıe kele bilgen.

«Men gınekolog bolyp isteımin. Bul mamandyqty anamnyń qurbysyna qyzyǵyp tańdadym, ol kisi de áıelderdi emdeıtin dáriger. Dál sol Tatána meniń anam maǵan aıaǵy aýyr kezinde balany aldyryp tastamaı, bosanýǵa kóndirgen. Maǵan emdelýge kelgen áıelderdi tekserý kezinde birtúrli jaıdy sezindim: kenetten, kishkentaı balanyń daýysyn estip, olardyń bolashaǵyn kóre bastadym», - deıdi kóripkel.

Aıta keter bolsaq, «Kóripkelder saıysynyń» jańa kezeńi bastalmas buryn jelide bul baǵdarlamada shyn máninde qandaı jaǵdaılar bolyp jatqandyǵy jaıly maqala shyqqan bolatyn.

Baǵdarlamada jeńiske jetken qatysýshyǵa mıllıon rúbl tabystalady.