Reseı kontınentaralyq synaq úshin «Topol» atty balıstıkalyq zymyranyn Astrahan oblysyndaǵy polıgonynan ushyrdy dep habarlaıdy Qamshy.kz aqparat agentigi Azattyq saıtyna silteme jasap. Reseıdiń qorǵanys mınıstrligi aıtqandaı, synaq zymyrany «Qazaqstanda berilgen nysanaǵa dóp tıdi».

Sýret Azamat Ahmedovtyń Facebook paraqshasynan alyndy.

Áleýmettik jeli qoldanýshylary aspanda jarqyldaǵan denelerdi beınetaspaǵa jazyp alǵan, ol zymyrannyń nysanaǵa tıgendegi qalǵan izi bolsa kerek. Jarıalanǵan beınetaspalardyń astyna kóptegen jeli qoldanýshylary pikir bildirip jatyr. Bul týraly 27-ne qaraǵan túni Atyraý, Qostanaı jáne Qaraǵandy oblystarynyń turǵyndary jazyp otyr.

Aspandaǵy erekshe jarqyldar jóninde tek qazaq jeli qoldanýshylary ǵana emes, reseılik birqatar turǵyndary da talqylap jatyr. Olardyń keıbiri bul jat planetadan kelgen ushatyn nysana dese keıbiri bul qubylysty meteorıtpen shatastyrýda.