Shyǵys Qazaqstan oblysynda er adam ózin-ózi belgisiz bir zatpen jaryp jiberip, sýısıd jasady, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Er adamnyń denesin Beloýsovka aýylynyń turǵyndary kórgen. Onyń denesi kúıip ketip, túrli jaraqattar bolǵan. Sot-medısınalyq saraptamaǵa qaraǵanda, er adam ózin-ózi jaryp jibergen.

"Bul derek QR Qylmystyq kodeksiniń 105-baby boıynsha ("Ózin-ózi óltirýge deıin jetkizý") sotqa deıingi biryńǵaı tergeý reestrine tirkeldi. Saraptamalar taǵaıyndalyp, oqıǵanyń mán-jaıy anyqtalyp jatyr. Aldyn ala málimet boıynsha, 35 jastaǵy er adam sýısıd jasaǵan", - dep habarlady SHQO İİD baspasóz qyzmetindegiler.

Sondaı-aq, oqıǵa ornynda qaza bolǵan er adamnyń uıaly telefony tabylǵan. Jiberilgen habarlamada er adam áıelimen qoshtasyp, odan eki balany tárbıeleýin suraǵan. Quqyq qorǵaý organdarynyń ókilderi er adamnyń qandaı zatpen ózin-ózi jaryp jibergenin anyqtap jatyr.