Prezıdent Donald Tramptyń aıtýynsha, Soltústik Koreıaǵa qatysty másele tek áskerı jolmen sheshilse AQSH bul áreketke daıyn. Alaıda mundaı jolmen sheshken durys emes ekendigin de Tramp myrza moıyndap otyr,- dep habarlaıdy Qamshy.kz aqparat agenttigi. Mundaı málimdemeni AQSH prezıdenti Ispanıa Premer-mınıstri Marıano Raho qatysqan baspasóz máslıhatynda aıtty.

«Eger biz birinshi ádisti qoldanatyn bolsaq, onyń saldarynan bári qıraýy múmkin. Ásirese Soltústik Koreıa úshin solaı bolatyndyǵyna kepil beremin. Al ekinshi ádis – ol áskerı kúshti qoldaný»,-dedi Donald Tramp.

Osyǵan deıin Reseıdiń syrtqy ister mınıstri Sergeı Lavrov AQSH-tyń Soltústik Koreıaǵa shabýyldaýyna kúmán keltirgen bolatyn. Sebebi «Phenánda jappaı joıyp jiberetin qarý bar»,- degen. Sondyqtan, Lavrov myrza Soltústik Koreıamen jaǵdaıdy ýshyqtyratyn kez kelgen sebepterden aýlaq bolǵan jón ekendigin eskertken.