2017 jyly baýyrlas elder Túrkıa men Qazaqstan arasyndaǵy dıplomatıalyq baılanystyń ornaǵanyna 25  jyl tolyp otyr. Astana  Iýnýs Emre ınstıtýty Túrkıanyń Qazaqstandaǵy elshiliginiń qoldaýymen osy oqıǵaǵa arnap,   «Aılyq túrik fılmderi kúni» atty sharany jyl boıy jalǵastyryp keledi.

Astanalyqtar men qala qonaqtaryna 30 qyrkúıekte saǵat 17.00-de Kerýen OSO-da álemge áıgili akter Býrak Ózchıvıt pen Fahrıe Evdjen bas rolderin oınaıtyn «Mahabbat saǵan uqsaıdy» atty fılm usynylady.

Fılmniń oqıǵasy Mýglanyń jaǵasyndaǵy bir aýdanda ótedi. Denız -balmuzdaq satýshysy, al Álı bolsa balyqshy. Denız burynǵy ǵashyǵyn umytý úshin aýdan ortalyǵyna kelip balmuzdaq satatyn dúkenge jumysqa ornalasady.  Bir kún kóshede Álımen joldary toǵysady. Alǵash kórgennen Denızdi unatyp qalǵan Álıdiń mahabbaty esh sónbeıdi...

Fılm túrikshe (oryssha sýbtıtrmen) kórsetiledi.

Kúni                : 30 qyrkúıek

Ýaqyty          : 17.00 

Orny              : Astana q., Kerýen OSO, Dostyq k. 9,  Kinopark 7, 4  zal 

Kirý tegin.