QR Qorǵanys mınıstrligi Reseıdegi balıstıkalyq zymyrannyń ushyrylǵany jaıly qazaqstandyqtarǵa aldyn ala aıtyp otyrý múmkin emes ekenin habarlady, dep jazady Qamshy.kz aqparat agenttigi.
"Balıstıkalyq zymyrandardy ushyrý - Reseı Federasıasy qarýly kúshteriniń jeke sharýasy. Sheteldegi qarýlandyrý, qorǵanys ónerkásibi keshenderi jáne olardyń qarýly kúshteriniń qyzmeti Qazaqstannyń quzyretine kirmeıdi. Bul qandaı da bir shabýyl áreketi nemese memlekettik shekara erejelerin buzý áreketi emes", - dedi mınıstrliktiń baspasóz qyzmetinde.
Sondaı-aq, balıstıkalyq zymyrannyń ushyrylýy kórshi elderdiń aýmaǵyna esh zıan tıgizbeıtini aıtylady.
"Búginde biz "Baıqońyr" ǵarysh aılaǵynan josparly túrde ushyrylatyn zymyrandar týraly habarlap otyramyz. Biraq balıstıkalyq zymyran ushyrý ǵarysh qyzmetine jatpaıdy", - dedi vedomstvodaǵylar.
Eske sala keteıik, osyǵan deıin 26 qyrkúıekte keshki ýaqytta Aqtaý, Atyraý, Qostanaı jáne Qazaqstannyń taǵy basqa óńirleriniń turǵyndarynyń aspanda janyp turǵan obektini baıqaǵany habarlanǵan bolatyn.
