Alqabıler soty óziniń jıeni men qaryndasyna azǵyndyq áreketterdi jasaǵan azamatqa qatysty úkim shyǵardy, ― dep habarlaıdy Qamshy.kz aqparat agenttigi Atyraý oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmetine silteme jasaı otyryp. 

Aıta ketetin bolsaq,oqıǵa 2017 jyldyń maýsym aıynda bolǵan edi. Er adam óz úıinde 7 jasar jıeni men 13 jastaǵy qaryndasyn qorqytyp sheshindirip, seksýaldyq sıpattaǵy is-áreketterdi jasapty.  

«Sotta 2017 jyldyń maýsymy aıynda sottalýshynyń úıinde jasy kámeletke tolmaǵandar - jıeni (2012 j.t.) F.A. jáne qaryndasy (2004 j.t.) M.A.-nyń jalǵyz ózderi qalǵanyn paıdalanyp, olardy qorqytyp, sheshindirip jáne ózi de sheshinip, sońǵylaryna qatysty seksýaldyq sıpattaǵy áreketterdi jasaǵanyn anyqtalǵan. Kenet qyzdardyń aıǵaılap, jylaı bastaǵanyn estigen ákesi úıine júgirip kirgen. Atalǵan qylmystyq isti qaraý barysynda alqabıler alqasy sottalýshy A.R.-dy jasy kámeletke tolmaǵandarǵa qatysty seksýaldyq sıpattaǵy  zorlyq-zombylyq áreketter jasaǵany úshin kináli dep taný týraly kesim etti», ― delingen habarlamada. 

Atyraý oblysynyń qylmystyq ister jónindegi mamandandyrylǵan aýdanaralyq sotynyń úkimi boıynsha, A.R. Qazaqstan Respýblıkasynyń QK-niń  124-babynyń 1-bóliginde kózdelgen qylmystyq quqyq buzýshylyqty jasaǵany úshin kináli dep tanylyp, onyń jasy kámeletke tolmaǵandarmen jumys jasaýǵa baılanysty pedagogıkalyq jáne ózge de laýazymdardy atqarý quqyǵynan ómir boıyna aıyrýmen, 10 jyl merzimge bas bostandyǵynan aıyrý jazasy taǵaıyndaldy. Sot úkimi zańdy kúshine engen joq.