Saýd Arabıa memleketiniń áıelderi osy aptanyń seısenbisinde kólik júrgizýge zańdy túrde ruqsat aldy,- dep habarlaıdy Qamshy.kz aqparat agenttigi. Bul arab áıelderi úshin óte jaǵymdy jańalyq, sebebi onyń aldynda talaı ret osy másele jóninde daý shyǵyp, birer áıel tipti qamaýǵa alynǵan bolatyn.

Bul týraly tolyq usynystar 30 kún ishinde qabyldanady, al úkimet 2018 jyldyń 24 maýsymyna deıin áıelderge kólik júrgizýge tyıym salýdy alyp tastady.

Túbegeıli ózgeris alyp kelgen bul qadam Saýd Arabıasynyń ekonomıkasyn qalpyna keltirýge baǵyttalǵan. Bul usynys jas hanzada Mohammed bın Salmannyń qoldaýyn tapty.

Onyń «Kózqaras-2030» reformasy baǵdarlamasynyń basty maqsaty kelesi onjyldyqta Patshalyqtyń energıaǵa táýeldiligin toqtatý. Bul ekonomıkany edáýir ártaraptandyrýdy, onyń ishinde áıelderdi áldeqaıda úlken ról atqarýdy talap etedi.

Jumys kúshine áıelderdiń tek 22%-y ǵana tartylǵan. «Kózqaras -2030» baǵdarlamasynyń maqsaty bul kórsetkishti 30% -ǵa kóterýge baǵyttalǵan. Al áıelderdiń jumyssyzdyq deńgeıi 33% -ǵa teń, oraıynsha bul kórsetkish erlerdikine qaraǵanda áldeqaıda joǵary.

Qazirgi tańda Saýd Arabıasyndaǵy jumyssyzdyq 12,7%-dy quraıdy.