Mektep muǵalimderine ata-analar bergen syılyq 2 aılyq eseptik kórsetkishten asatyn bolsa, qylmystyq is qozǵalady. Bul týraly «Nur Otan» partıasy Almaty qalalyq fılıalynda ótken brıfıńte aıtyldy, dep jazady Qamshy.kz aqparat agenttigi.

Mekteptiń jóndeý jumystaryna, tazalyqqa qajetti zattar men kanselárlyq taýarlarǵa, kitap quraldaryna memleket tarapynan tıisti qarajat qarastyrylǵan. Sondyqtan ata-analardan aqsha jınaýǵa eshqandaı negiz joq. Mamandar osylaı dedi.

Sondaı-aq oqýshylardy qaladaǵy mádenı sharalarǵa májbúrlep aparýǵa da tyıym salynǵan. Al mektepte aqsha jınaýdyń basty quralyna aınalǵan ata-analar komıtetiniń mindeti qazir qaıta qaralyp jatyr. Bilim basqarmasynyń málimetinshe, ótken jyldarmen salystyrǵanda saladaǵy jemqorlyq 2-3 esege azaıǵan. Sybaılas jemqorlyqqa qarsy is-qımyl ulttyq búroda bıyl mekteptegi paraqorlyqqa qatysty 1 ǵana derek tirkelipti.

Almaty  qalalyq bilim basqarmasy basshysynyń orynbasary Lázzat Jylqybaevanyń aıtýynsha,  mektep qabyrǵasynda qarjy jınaý máselesi qatań tyıym salynǵan. Sondyqtan biz ata-analarǵa, ustazdar qaýymyna arnalǵan aqsha jınaýǵa tyıym salý týraly hat ata-analarǵa kórsetilgen jerde qabyrǵada ilýli tur.